Breaking News

કોવેક્સિનમાં વાછરડાના લોહીના ઉપયોગના આરોપો પર ભારત બાયોટેકની સ્પષ્ટતા, કહ્યું કે…

ભારત બાયોટેકની કોરોના વેક્સિન કોવેક્સિનને લઇને RTIના જવાબ અને કૉંગ્રેસમાં ડિઝિટલ કૉમ્યુનિકેશન અને સોશિયલ મીડિયાના કૉર્ડિનેટર ગૌરવ પાંધીના ટ્વીટ બાદ એક નવો વિવાદ શરૂ થઈ ગયો છે.

ગૌરવ પાંધીએ RTIના જવાબને ટ્વીટ કર્યો છે, જેમાં પાંધી તરફથી દાવો કરવામાં આવ્યો છે કે નવજાત વાછરડાના સીરમનો ઉપયોગ કોવિડ-19 વેક્સિન કોવેક્સિન બનાવવામાં કરવામાં આવે છે. આ દાવા બાદ સોશિયલ મીડિયા પર કોવેક્સિનને લઈને પ્રશ્નો ઉભા થઈ રહ્યા હતા.

ફાઇનલ ફોર્મ્યુલામાં ઉપયોગ નથી થયો વાછરડાના સીરમનો ઉપયોગ

તમામ પ્રશ્નોની વચ્ચે ભારત બાયોટેક દ્વારા સ્પષ્ટતા કરવામાં આવી છે. ભારત બાયોટેકનું કહેવું છે કે વાયરસ રસીના નિર્માણ માટે ગાયના વાછરડાના સીરમનો ઉપયોગ કરવામાં આવે છે. આનો ઉપયોગ સેલ્સ ગ્રોથ માટે થાય છે, પરંતુ SARS CoV2 વાયરસના ગ્રોથ અથવા ફાઇનલ ફોર્મ્યુલામાં ઉપયોગ નથી થયો. ભારત બાયોટેકનું કહેવું છે કે, કોવેક્સિન સંપૂર્ણ રીતે શુદ્ધ વેક્સિન છે, જેને તમામ અશુદ્ધીઓને હટાવીને તૈયાર કરવામાં આવી છે.

સ્વાસ્થ્ય મંત્રાલયની સ્પષ્ટતા

વાછરડાના સીરમનો ઉપયોગ વેક્સિનના નિર્માણ માટે અનેક દાયકાઓથી દુનિયાભરમાં કરવામાં આવી રહ્યો છે. છેલ્લા લગભગ 9 મહિનાથી આના વિશે સાર્વજનિક પ્લેટફોર્મ પર જાણકારી આપવામાં આવી ચુકી છે.

સોશિયલ મીડિયા પર કરવામાં આવેલા દાવા બાદ આના પર ચર્ચા શરૂ થઈ ગઈ. કેન્દ્રીય સ્વાસ્થ્ય મંત્રાલયે ટ્વીટ કરીને આ દાવાનો ખોટો ગણાવ્યો છે અને કહ્યું છે કે કોવેક્સિનના ફાઇનલ પ્રોડક્ટમાં વાછરડાનું સીરમ નથી. સ્વાસ્થ્ય મંત્રાલયે કહ્યું છે કે, તથ્યોને ખોટી રીતે રજૂ કરવામાં આવી રહ્યા છે અને ગુમરાહ કરવામાં આવી રહ્યા છે.

અલગ-અલગ રાજકીય દળો તરફથી આ પ્રકારની સોશિયલ મીડિયા પોસ્ટની ટીકા કરવામાં આવી છે. શિવસેના સાંસદ પ્રિયંકા ચતુર્વેદીએ ટ્વીટ કરીને કહ્યું કે, જે લોકો વૈજ્ઞાનિક રિસર્ચના દાવાની વાત કરે છે, તેઓ હવે કોવેક્સિનને લઇને આ પ્રકાર આ પ્રકારના દાવા પોસ્ટ કરી રહ્યા છે. મહેરબાની કરીને આ પ્રકારની વાતો ફેલાવાનું બંધ કરો.

 

About gujju

Check Also

લીમડા નાં ઝાડમાં થયો એવો ચમત્કાર કે આખું ગામ કરવા લાગ્યું પૂજા-પાઠ….

મધ્યપ્રદેશના કટની જિલ્લામાંથી એક અનોખો કિસ્સો સામે આવ્યો છે. અહીંની ઓર્ડનન્સ ફેક્ટરી સ્કૂલની સામે, ગુરુવારે …

Leave a Reply

Your email address will not be published. Required fields are marked *