Saturday , September 18 2021
Breaking News

‘અમરીશ ડેર અને કેજરીવાલ વચ્ચે ફોન પર વાત થઈ ત્યારે હું ત્યાં જ હતો’ ગોપાલ ઇટાલિયાએ જાણો શું કહ્યુ…

દિલ્લીના મુખ્યમંત્રીએ અરવિંદ કેજરીવાલએ અમદાવાદમાં પત્રકાર પરિષદ યોજી હતી અને જે રીતે ભાજપ અને કોંગ્રેસ પર આકરા પ્રહાર કર્યા હતા. ત્યાર બાદ ગુજરાતનું રાજકારણ ગરમ થયું છે અને અલગ-અલગ પક્ષના નેતાઓ દ્વારા એક બીજા પર આક્ષેપબાજી શરૂ કરી છે. તો બીજી બાજુ કોંગ્રેસના નેતા આમ આદમી પાર્ટીમાં જોડવા ઇચ્છી રહ્યા છે. તેવી વાતો પણ વાયુ વેગે ફેલાઈ રહી હતી.

2022માં ગુજરાતની વિધાનસભાની ચૂંટણી આવી રહી છે. આ વખતની ચૂંટણીમાં ત્રિકોણીય જંગ થવા જઇ રહી છે.જેમાં પોતાના ફાયદા માટે નેતાઓનો પક્ષ પલટો થાય એમાં કોઈ નવીન વાત નથી.

અરવિંદ કેજરીવાલ અમદાવાદમાં AAP કાર્યાલયનું ઉદઘાટન કરવા આવ્યા હતા. આ સમયગાળા દરમિયાન અમરિશ ડેર અને અરવિંદ કેજરીવાલ વચ્ચે ફોન પર વાતચીત થઇ હતી.

અરવિંદ કેજરીવાલે રાજુલાના કોંગ્રેસના ધારાસભ્ય અમરિશ ડેરને આમ આદમી પાર્ટીમાં જોડાવા માટે ફોન પાર વાતચીત કરી હતી. તેવું લોકો દ્વારા કહેવામાં આવી રહ્યું હતું. આ વાતની ચોખવટ કરતાં અમરીશ ડેરે જણાવ્યું હતું કે આમ આદમી પાર્ટીમાં જોડાવવા માટે અરવિંદ કેજરીવાલ સાથે મારે કોઈ વાત થઈ નથી. રેલવે આંદોલન પર ચર્ચા કરવા માટે કેજરીવાલે મને ફોન કર્યો હતો અને કેજરીવાલે મને કોઈ ઓફર આપી નથી તેવું જણાવ્યુ હતું.

જ્યારે આ વાતની ચોખવટ કરતા આમ આદમી પાર્ટીના ગુજરાતના પ્રદેશ પ્રમુખ ગોપલ ઇટાલિયા કહ્યું હતું કે, અરવિંદ કેજરીવાલ અને અમરિશ ડેર વચ્ચે ફોન પર વાતચીત થઈ ત્યારે હું અરવિંદજીની બાજુમાં હતો. શું વાત થઈ છે તે અત્યારે કોઈ ને પણ કઈ શકાય એમ નહીં.

અરવિંદજી અને અમરિશભાઈને જે પણ વાતચી થઈ હોય,પરંતુ હું અમરિશભાઈને આપ માં જોડાવા ઇન્વાઇટ કરું છું અને હું બીજા તમામ સારા સારા નેતાઓને ઇન્વાઇટ કરું છું આમંત્રણ આપું છું કે ભાઈ આવો હવે ભાજપ – કોંગ્રેસ જેવી જનતા વિરોધી પાર્ટીઓને બદલે કંઈક જનતાના શિક્ષણના સ્વાસ્થયના રોજગારીના મુદ્દાઓ પર કામ કરતી પાર્ટી સાથે જોડાઈ આપડે બધા યુવાનો એક મંચ પર આવ્યે.

About gujju

Check Also

હવે મને કોઈ હોદ્દાનો મોહ નથી, હું ગુજરાતમાં છું: નીતિન પટેલ

ભૂપેન્દ્ર પટેલ સરકારના નવા કેબિનેટ મંત્રીઓએ ગુજરાતમાં શપથ લીધા છે. જૂના જોગીઓને કાપીને તમામ નવા …

Leave a Reply

Your email address will not be published. Required fields are marked *