Saturday , September 25 2021
Breaking News

WTC ફાઇનલ માટે ન્યૂઝીલેન્ડ ટીમની જાહેરાત, જાણો કેન વિલિયમસન રમશે કે નહીં……..

વર્લ્ડ ટેસ્ટ ચેમ્પિયનશીપ (WTC) ફાઈનલની શરૂઆતના હવે ખાલી ગણતરીના જ દિવસો બાકી રહી ગયા છે. ભારત અને ન્યૂઝીલેન્ડ વચ્ચે આ ટાઈટલ મેચ 18 જૂનથી 22 જૂન સુધી સાઉથહેમ્પટનમાં રમાશે.

આ મહત્ત્વની મેચ માટે ન્યૂઝીલેન્ડે પોતાની 15 પ્લેયરની ટીમની જાહેરાત કરી દીધી છે. ન્યૂઝીલેન્ડની ટીમની કેપ્ટશિપ કેન વિલિયમ્સન કરશે. ન્યૂઝીલેન્ડની ટીમે ખાલી એક જ સ્પિનરને ટિમમાં જગ્યા આપી છે.

અનુભવી સ્પિનર મિશેલ સેન્ટરને આ ટીમમાં સમાવેશ નથી. સ્પિનર તરીકે માત્ર એજાજ પટેલને જગ્યા મળી છે.ન્યૂઝીલેન્ડના કોચ ગેરી સ્ટિડે જણાવ્યું કે જે લોકોએ ટીમને એટલું બધુ આપ્યું છે. તેમને ટિમ માંથી અલવિદા કહેવું સરળ નથી. બેસ્ટનમાં એજાજ પટેલની પ્રભાવશાળી આઉટિંગે તેના પક્ષમાં કામ કર્યું છે.

એજબેસ્ટનમાં ખુબ સારું પ્રદર્શન બાદ અમે પોતાના જાણકાર સ્પિનરના રૂપમાં એજાજ પટેલની સાથે ગયા અને અમને વિશ્વાસ છે કે તે એજેસ બાઉલમાં પણ મહત્ત્વપૂર્ણ સાબિત થશે. 15 સભ્યોની આ ટીમમાં 5 ફાસ્ટ બોલરોને સ્થાન આપવામાં આવ્યું છે.

ન્યૂઝીલેન્ડ માટે સારા સમાચાર એ છે કે કેન વિલિયમ્સન ફાઇનલ મા પણ રમશે.તે ઈંગ્લેન્ડ સામે ટેસ્ટ સીરિઝની છેલ્લી મેચનો ભાગ બન્યો નહોતો.કોણીમાં ઇજા થવાના કારણે તે ટેસ્ટ મેચ રમી શક્યો નહોતો.

તેની જગ્યાએ ટોમ લાથમને ન્યૂઝીલેન્ડની કેપ્ટની જવાબદારી સોંપી હતી. ન્યૂઝીલેન્ડની ટીમે એ મેચને 8 વિકેટેતી પોતાના નામે કરી હતી. ન્યૂઝીલેન્ડે 22 વર્ષ પછી ઇંગ્લેડનમાં ટેસ્ટ સીરિઝ જીતી છે. એ સિવાય વિકેટકીપર બીજે વૉટલિંગની પણ ટીમમાં વાપસી થઈ છે. તે પણ ઈંગ્લેન્ડ વિરુદ્ધ રમાયેલી બીજી ટેસ્ટ મેચમાં પ્લેઇંગ ઇલેવનમાં સામેલ નહોતો.

કોચ ગેરી સ્ટિડે કહ્યું કે આ જોડી (કેન વિલિયમ્સન અને બીજે વૉટલિંગ) હવે સારી રીતે સ્વસ્થ થઈ ગઈ છે અને શુક્રવારથી શરૂ થતી વર્લ્ડ ટેસ્ટ ચેમ્પિયનશીપની ફાઇનલ માટે પાછા ફરશે. તેમણે આગળ કહ્યું કે કેન વિલિયમ્સન અને બીજે વૉટલિંગને સંપૂર્ણ રૂપે આરામ અને રિહેબિલિટેશનથી ફાયદો મળ્યો છે અને અમને આશા છેકે તેઓ ફિટ થઈને ફાઇનલ માટે ઉપલબ્ધ હશે.

WTC માટે ન્યૂઝીલેન્ડની 15 સભ્યોની ટીમ:

કેન વિલિયમ્સન (કેપ્ટન) ટોમ બ્લંડેલ, ટ્રેન્ટ બોલ્ટ, ડેવોન કૉનવે, કૉલીન ડિ ગ્રેન્ડહોમ, મેટ હેનરી, કાઈલ જેમિસન, ટૉમ લાથમ, હેનરી નિકોલ્સ, એજાજ પટેલ, ટિમ સાઉદી, રોસ ટેલર, નીલ વેગનર, બીજે વૉટલિંગ અને વિલ યંગ.

 

About gujju

Check Also

ઈંગલેન્ડના ત્રણ ઘાતક ખેલાડીઓએ આઇપીએલમાંથી પોતાના નામ પરત ખેંચ્યા…

ભારત અને ઈંગ્લેન્ડ વચ્ચેની માન્ચેસ્ટર ટેસ્ટ રદ થવાથી IPL-2021 ના ​​બીજા તબક્કાને અસર થઈ છે. …

Leave a Reply

Your email address will not be published. Required fields are marked *