Breaking News

લગ્ન પહેલા જ પિતા બની ગયા હતા આ સ્ટાર ક્રિકેટરો, છઠ્ઠા નંબરે છે ભારતીય ખેલાડી

વર્લ્ડ ક્રિકેટમાં આવા ઘણા ક્રિકેટરો છે, જેમણે પ્રેમમાં પડીને લગ્ન પહેલા જ પિતા બની ગયા હતા. આ ક્રિકેટરો લગ્ન પહેલા તેની ગર્લફ્રેન્ડ સાથેના સંબંધો બાદ પિતા બન્યા. ક્રિકેટરોની આ અનોખી સૂચિમાં એક ભારતીયનો પણ સમાવેશ થાય છે. ચાલો એક નજર કરીએ આવા ક્રિકેટરો પર, જેઓ લગ્ન પહેલા જ પિતા બની ગયા હતા.

1. ક્રિસ ગેલ

આ યાદીમાં વિશ્વનો સૌથી વિસ્ફોટક બેટ્સમેન ક્રિસ ગેલ પણ સામેલ છે, જે લગ્ન કર્યા વિના પિતા બની ગયો હતો. 2017માં જ્યારે આઈપીએલ ચાલી રહી હતી, ત્યારે તેની ગર્લફ્રેન્ડ નતાશા બૈરિજે એક પુત્રીને જન્મ આપ્યો. જોકે ક્રિસ ગેલના નામ સાથે અન્ય ઘણા વિવાદો સંકળાયેલા છે, પરંતુ આ પરાક્રમ પણ ક્રિસ ગેલ દ્વારા કરવામાં આવ્યુ છે.

2. જો રુટ

આ યાદીમાં ઇંગ્લેન્ડનો કેપ્ટન જો રૂટ પણ સામેલ છે. તમને જણાવી દઈએ કે જો રૂટ પણ લગ્ન પહેલા પિતા બનનાર ક્રિકેટરોમાં સામેલ છે. જો રૂટ 2014થી તેની ગર્લફ્રેન્ડ કેરી કોર્ટેલને ડેટ કરી રહ્યો હતો. ટી-20 વર્લ્ડ કપ પહેલા 2016 બંનેએ સગાઈ કરી હતી. જો રૂટ લગ્ન કર્યા વિના જ પિતા બની ગયો હતો. જો રૂટના પુત્ર આલ્ફ્રેડનો જન્મ 7 જાન્યુઆરી, 2017 ના રોજ થયો હતો. આ પછી આ દંપતીનાં લગ્ન થયાં હતા.

3. ડેવિડ વોર્નર

ઓસ્ટ્રેલિયાનો સ્ટાર ઓપનર ડેવિડ વોર્નર પણ લગ્ન કર્યા વિના પિતા બની ગયો હતો. 2014માં ડેવિડ વોર્નરની ગર્લફ્રેન્ડ કૈન્ડિસે તેની પ્રથમ પુત્રીને જન્મ આપ્યો. વર્ષ 2015માં ડેવિડ વોર્નરે કૈન્ડિસ સાથે લગ્ન કર્યા હતા. વોર્નરને ત્રણ દીકરીઓ ઇવી, ઇન્ડી અને ઇસ્લા છે.

4. ઇમરાન ખાન

પાકિસ્તાનના હાલના વડા પ્રધાન અને ક્રિકેટર એવા ઇમરાન ખાન પણ લગ્ન કર્યા વગર પિતા બન્યા હતા. ઇમરાનનો સંબંધ સીતા વ્હાઇટ સાથે હતો. સીતા અને ઇમરાનના સંબંધ 1987–88 માં શરૂ થયા હતા અને બંને 1991માં નજીક આવી ગયા હતા. 1992માં તેમના બાળકનો જન્મ થયો હતો, જો કે શરૂઆતમાં ઇમરાનને આ વાતનો ઇનકાર કર્યો હતો, પાછળથી ડીએનએ પરીક્ષણો બાદ ખબર પડી કે આ બાળકનો પિતા ઈમરાન ખાન છે.

5. વિવિયન રિચાર્ડ્સ

1980માં ભારત આવેલા રિચર્ડ્સની મુલાકાત ભારતની પ્રખ્યાત અભિનેત્રી નીના ગુપ્તા સાથે થઈ હતી. બંનેનું અફેર લાંબા સમય સુધી ચાલ્યું હતું અને બંને લિવ-ઇનમાં પણ હતાં. 1989માં નીનાએ એક પુત્રીને જન્મ આપ્યો જેનું નામ મસાબા છે. વિવિયન રિચર્ડ્સના લગ્ન મેરી સાથે થઈ ગયા હતા અને તેના બે બાળકો પણ છે.

6. હાર્દિક પંડ્યા

હાર્દિક પંડ્યા એક એવો ભારતીય ક્રિકેટર છે જે લગ્ન પહેલા જ પિતા બની ગયો હતો. હાર્દિક પંડ્યાએ 1 જાન્યુઆરી 2020ના રોજ દુબઇમાં બોલિવૂડ એક્ટ્રેસ નતાશા સ્ટેનકોવિક સાથે સગાઈ કરી હતી. 30 જુલાઈ 2020ના રોજ હાર્દિક પંડ્યાએ ખુલાસો કર્યો કે તેની ગર્લફ્રેન્ડ ગર્ભવતી છે અને તે પિતા બનવાનો છે. હાર્દિક પંડ્યાએ તેમના બાળકનું નામ ‘અગસ્ત્ય’ રાખ્યું છે.

About gujju

Check Also

IPLમાં સારું પ્રદર્શન કર્યું તો વર્લ્ડ કપમાં જગ્યા નક્કી: ટી નટરાજન

જમણા હાથનો ઝડપી બોલર ટી નટરાજન હજી પણ તેની ઈજાથી સ્વસ્થ થઈ રહ્યો છે. તેને …

Leave a Reply

Your email address will not be published. Required fields are marked *