Saturday , September 25 2021
Breaking News

આ રેકોર્ડ બનાવનાર પ્રથમ ભારતીય બની શકે છે કોહલી

વિરાટ કોહલીની કેપ્ટનશીપ હેઠળ ભારતીય ટીમ ટી -20 વર્લ્ડ કપ રમશે. ટી 20 વર્લ્ડ કપની મેચ 17 ઓક્ટોબરથી 14 નવેમ્બર સુધી યોજાવાની છે. સુપર -12 માં ભારત પાકિસ્તાન સાથે છે. એટલે કે ટીમે 5 મેચ રમવાની છે.

વિરાટ કોહલી ટી 20 વર્લ્ડ કપમાં સૌથી વધુ રન બનાવનાર ખેલાડી છે. તેણે અત્યાર સુધીમાં 16 ઇનિંગ્સમાં 86 ની સરેરાશથી 777 રન બનાવ્યા છે. 9 અર્ધસદી ફટકારી છે. તેને 1000 રન પૂરા કરવા માટે 223 રનની જરૂર છે. તે વર્લ્ડ કપમાં આ રેકોર્ડ બનાવી શકે છે.

ટી 20 વર્લ્ડકપની વાત કરીએ તો અત્યાર સુધી માત્ર એક જ બેટ્સમેન 1000 થી વધુ રન બનાવી શક્યો છે. શ્રીલંકાના મહેલા જયવર્દનેએ 31 ઇનિંગ્સમાં 1016 રન બનાવ્યા હતા. જોકે તે હવે નિવૃત્ત છે. તેણે એક સદી અને 6 અડધી સદી ફટકારી હતી. વેસ્ટ ઇન્ડીઝના ક્રિસ ગેલ (920) બીજા અને શ્રીલંકાના તિલકરત્ને દિલશાન (897) ત્રીજા નંબરે છે. દિલશાન પણ નિવૃત્ત થયા છે.

વિરાટ કોહલી વર્લ્ડ કપમાં સૌથી વધુ રન બનાવનાર ચોથા સ્થાને છે. આવી સ્થિતિમાં કોહલી સિવાય વેસ્ટ ઈન્ડિઝનો ક્રિસ ગેલ પણ 1,000 રનના આંકડાને સ્પર્શી શકે છે. ભારતના રોહિત શર્માએ 25 ઇનિંગ્સમાં 40 ની સરેરાશથી 673 રન બનાવ્યા છે. 6 અર્ધસદી ફટકારી છે.

ઓવરઓલ ટી 20 આંતરરાષ્ટ્રીયની વાત કરીએ તો વિરાટ કોહલી સૌથી વધુ રન બનાવનાર ખેલાડી છે. તેણે 84 ઇનિંગ્સમાં 53 ની સરેરાશથી 3159 રન બનાવ્યા છે. 28 અર્ધસદી ફટકારી છે. ન્યૂઝીલેન્ડના માર્ટિન ગુપ્ટિલ (2939) બીજા અને રોહિત શર્મા (2864) ત્રીજા નંબરે છે. અન્ય કોઈ ખેલાડી 2500 રનના આંકડા સુધી પહોંચી શક્યો નથી.

About gujju

Check Also

ઈંગલેન્ડના ત્રણ ઘાતક ખેલાડીઓએ આઇપીએલમાંથી પોતાના નામ પરત ખેંચ્યા…

ભારત અને ઈંગ્લેન્ડ વચ્ચેની માન્ચેસ્ટર ટેસ્ટ રદ થવાથી IPL-2021 ના ​​બીજા તબક્કાને અસર થઈ છે. …

Leave a Reply

Your email address will not be published. Required fields are marked *