Saturday , September 18 2021
Breaking News

રાજીનામું આપ્યા બાદ વિજય રૂપાણી હવે શું કરશે?

ગુજરાતમાં વિધાનસભાની ચૂંટણીની તૈયારીઓ શરૂ થઈ ગઈ છે, તેના પહેલા જ મોટી ઉથલપાથલ શરૂ થઈ ગઈ છે. ગુજરાતના રાજકારણમાં આજે એક મોટો ધડાકો થયો છે. આખરે CM વિજય રૂપાણીએ સીએમ પદેથી રાજીનામું આપી દીધું છે. તેમણા પાંચ વર્ષના કાર્યકાળ સફળતાપૂર્વક પૂર્ણ કર્યો છે. આજે વિજય રૂપાણી એકાએક બપોર પછી રાજ્યપાલ આચાર્ય દેવવ્રતને મળવા માટે રાજભવન પહોંચ્યા હતા. જ્યાં તેમણે રાજીનામું સોંપી દીધું છે.

રાજીનામું સોંપ્યા બાદ વિજય રૂપાણીએ એક પ્રેસ કોન્ફરન્સ કરી હતી. જેમાં તેમણે જણાવ્યું હતું કે હવે પાર્ટી મને જે જવાબદારી આપશે તેને હું નિભાવીશ. તેમણે રાજીનામું આપ્યા બાદ છેલ્લાં પાંચ વર્ષ જનતાની સેવા કરવાનો મોકો મળતાં પીએમ મોદીનો આભાર માન્યો હતો. તેમણે જણાવ્યું કે મને કાર્યકર્તામાંથી CM બનાવ્યો હતો. હવે ગુજરાતનો વિકાસ નવા નેતૃત્વમાં થશે. રાજીનામું આપ્યા બાદ તેમણે જણાવ્યું હતું કે પરિવર્તન સંસારનો નિયમ છે, સમયાંતરે નેતૃત્વ બદલતું રહે છે. જાણવા મળી રહ્યું છે કે હાઈકમાને જનતાનો અભિપ્રાય જાણ્યા પછી આ નિર્ણય લેવાયો છે અને સિસ્ટમના એક ભાગરૂપે વિજય રૂપાણીએ રાજીનામું આપ્યું છે.

વિજય રૂપાણીએ વધુમાં જણાવ્યું હતું કે મોદીજીના નેતૃત્વમાં આગામી ચૂંટણી લડાશે. જેથી આગામી મુખ્યમંત્રી પાર્ટી નક્કી કરશે. આવતીકાલ સુધીમાં ગુજરાતમાં બધું સ્પષ્ટ થઈ જશે. હવે દરેકના મનમાં એક જ સવાલ છે કે આગામી CM કોણ હશે? આ દરેક લોકોના મનમાં સૌથી મોટો સવાલ ઉભો થયો છે. નવા CMને લઇને આવતીકાલે ચિત્ર સ્પષ્ટ થશે. આવતીકાલે મુખ્યમંત્રી નક્કી કરવા ધારાસભ્યોની બેઠક મળશે.

BJPએ છેલ્લાં પાંચ મહિનામાં 5 મુખ્યમંત્રી બદલ્યા

અત્રે નોંધનીય છે કે ઉત્તરાખંડમાં બે-બે વખત સીએમ બદલવાની નોબત પડી છે. બીએસ યેદિયુરપ્પા, તીરથ સિંહ રાવત, સર્વાનંદ સોનોવાલ, તીરથ સિંહ રાવત પછી વિજય રૂપાણી પાંચમાં એવા મુખ્યમંત્રી છે, જેમને સત્તા પરથી ઉતરવાનો વખત આવ્યો છે.

About gujju

Check Also

હવે મને કોઈ હોદ્દાનો મોહ નથી, હું ગુજરાતમાં છું: નીતિન પટેલ

ભૂપેન્દ્ર પટેલ સરકારના નવા કેબિનેટ મંત્રીઓએ ગુજરાતમાં શપથ લીધા છે. જૂના જોગીઓને કાપીને તમામ નવા …

Leave a Reply

Your email address will not be published. Required fields are marked *