દેશમાં ફરી એકવાર ભયંકર વાવાઝોડું આવી રહ્યું છે. આ સમય દરમિયાન જોરદાર પવન સાથે ભારે વરસાદ પડશે અને દરિયાકાંઠાના વિસ્તારોમાં ભારે તબાહી થશે. હવામાન વિભાગે આ અંગે એલર્ટ જાહેર કર્યું છે.
દેશમાં ફરી એકવાર ચક્રવાતી તોફાનનો ખતરો તોળાઈ રહ્યો છે. આજની રાત ભારે છે, કારણ કે વાવાઝોડું ફેંગલ 85 કિમી પ્રતિ કલાકની ઝડપે લેન્ડફોલ કરવા જઇ રહ્યુ છે, જેને કારણે ઘણા રાજ્યોમાં ભારેથી અતિ ભારે વરસાદ પડશે અને તબાહી મચાવી શકે છે. આ અંગે ભારતીય હવામાન વિભાગ (IMD) એ ચેતવણી જાહેર કરી છે અને લોકોને સાવચેત રહેવાની સલાહ આપી છે.
#WATCH | Tamil Nadu | Deep depression prevailing over the Bay of Bengal causes strong winds at Marina Beach
As per IMD, the deep depression is very likely to continue to move north-northwestwards and intensify further into a cyclonic storm. pic.twitter.com/fF6qxHfNKO
— ANI (@ANI) November 27, 2024
આઇએમડી અનુસાર દક્ષિણ-પશ્ચિમ બંગાળની ખાડી પરનું ડીપ ડિપ્રેશન બુધવારે રાત્રે ચક્રવાતી તોફાનમાં ફેરવાઈ જશે. ત્યારપછી તે ઉત્તર-પશ્ચિમ તરફ આગળ વધે અને આગામી 2 દિવસ દરમિયાન શ્રીલંકાના દરિયાકાંઠાને સ્પર્શ કરીને અને તમિલનાડુના દરિયાકાંઠે આગળ વધીને ચક્રવાતી તોફાનમાં વધુ તીવ્ર બને તેવી શક્યતા છે. આ સંદર્ભે, દેશના ઘણા રાજ્યોમાં ભારે પવન સાથે ભારેથી અતિ ભારે વરસાદની ચેતવણી જારી કરવામાં આવી છે.
તમિલનાડુ, પુડુચેરી, આંધ્રપ્રદેશ, યનમ અને રાયલસીમામાં ભારે વરસાદ થઈ રહ્યો છે અને આ ટ્રેન્ડ 30 નવેમ્બર સુધી ચાલુ રહેશે. આ દરમિયાન ગાજવીજ સાથે વીજળી પડવાની પણ સંભાવના છે. આંદામાન અને નિકોબાર ટાપુઓ પર પણ 30 નવેમ્બરે ભારે વરસાદ પડશે. આ અંગે હવામાન વિભાગે માછીમારોને દક્ષિણ-પશ્ચિમ બંગાળની ખાડી અને તમિલનાડુના દરિયાકાંઠે ન જવાની સલાહ આપી છે.
#WATCH | Amaravathi: IMD Amaravati Scientist Sagili Karunasagar says, "Yesterday there was a deep depression over the south-west Bay of Bengal…In the last six hours, it has been moving at a speed of 10 km per hour…In the next six hours, it will be moving further towards the… pic.twitter.com/DIEONNLNpl
— ANI (@ANI) November 27, 2024
85 કિમીની ઝડપે પવન ફૂંકાશે
બંગાળની ખાડીના દક્ષિણ પશ્ચિમ અને શ્રીલંકાના દરિયાકાંઠે પવનની ઝડપ 60-70 કિમી પ્રતિ કલાકથી વધીને 80 કિમી પ્રતિ કલાક થવાની શક્યતા છે. આ પછી સવાર સુધી બંગાળની ખાડીના દક્ષિણ-પશ્ચિમમાં 65-75 કિમી પ્રતિ કલાકની ઝડપે પવન ફૂંકાશે, જે પછીથી વધીને 85 કિમી પ્રતિ કલાક થઈ શકે છે.
જાણો શું છે IMDનું એલર્ટ?
આઇએમડી અમરાવતીના વૈજ્ઞાનિક સાગિલી કરુણાસાગરે જણાવ્યું કે મંગળવારે બંગાળની ખાડીમાં ડીપ ડિપ્રેશન સર્જાયું હતું. છેલ્લા 6 કલાકમાં તે 10 કિમી પ્રતિ કલાકની ઝડપે આગળ વધી રહ્યું છે, જે આગામી 6 કલાકમાં તે ઉત્તર-પશ્ચિમ દિશામાં આગળ વધશે અને પછી ચક્રવાત બનશે. હાલમાં તે શ્રીલંકાના કિનારેથી આગળ વધી રહ્યું છે અને આગામી બે દિવસમાં તે તમિલનાડુના દરિયાકાંઠા તરફ આગળ વધશે. આ કારણે તમિલનાડુમાં પ્રતિકૂળ હવામાન રહેશે. આંધ્રપ્રદેશના તિરુપતિ અને શ્રીપોટ્ટી શ્રીરામુલુ જિલ્લામાં ભારે વરસાદ થઈ શકે છે. આગામી ત્રણથી ચાર દિવસ સુધી વરસાદ પડી શકે છે.
