પર્થ ટેસ્ટમાં બીજા દિવસની રમતની શરૂઆતમાં જે થવાની ધારણા હતી તે જ થયું. જસપ્રીત બુમરાહે બીજા દિવસની રમતમાં પોતાના પહેલા જ બોલ પર 5મી વિકેટ લીધી. પહેલા દિવસની રમતમાં બુમરાહે 17 રનમાં 4 વિકેટ લીધી હતી. બીજા દિવસે તેણે આ જ 17 રન પર 5મી વિકેટ લીધી. બુમરાહે એલેક્સ કેરીને આઉટ કરીને ઓસ્ટ્રેલિયાને પાંચમો ઝટકો આપ્યો. આ સાથે તેણે ઘણા રેકોર્ડ પણ બનાવ્યા. સાથે જ બુમરાહે કપિલ દેવનો એક રેકોર્ડ પણ તોડી દીધો છે.
ઓસ્ટ્રેલિયા 5મો દેશ બન્યો, જ્યાં બુમરાહે આ કરી દીધો આ કમાલ
જસપ્રીત બુમરાહે પોતાની ટેસ્ટ કારકિર્દીમાં 11મી વખત 5 વિકેટ લેવાનું કારનામું કર્યું છે. તેણે ઓસ્ટ્રેલિયા સામે 5 વિકેટ લેવાનું કારનામું પણ બીજી વાર કર્યું છે. મોટી વાત એ પણ છે કે ઓસ્ટ્રેલિયા વિરૂદ્ધ બંને મેચમાં તેણે તેની જ ધરતી પર 5 વિકેટ લીધી છે. આ સાથે ઓસ્ટ્રેલિયા હવે પાંચમો દેશ બની ગયો છે જ્યાં બુમરાહના નામે 2 કે તેથી વધુ વખત 5 વિકેટ લેવાનો રેકોર્ડ છે. બુમરાહે સૌથી વધુ 3 વખત 5 કે તેથી વધુ વિકેટ લેવાનું કારનામું સાઉથ આફ્રિકામાં કર્યું છે. જયારે તેણે ભારત, ઇંગ્લેન્ડ, ઓસ્ટ્રેલિયા અને વેસ્ટ ઇન્ડિઝમાં 2-2 વખત 5થી વધારે વિકેટ લીધી છે.
5⃣-wicket haul! ✅
Jasprit Bumrah's 11th in Test cricket 👏 👏
A cracking start to the morning for #TeamIndia on Day 2 👌 👌
Live ▶️ https://t.co/gTqS3UPruo#AUSvIND pic.twitter.com/1YNs653kiX
— BCCI (@BCCI) November 23, 2024
બુમરાહે તોડ્યો કપિલ દેવનો રેકોર્ડ
કપિલ દેવ પછી જસપ્રીત બુમરાહ ભારતનો બીજો ફાસ્ટ બોલર છે, જેણે SENA દેશોમાં સૌથી વધુ 7 વખત 5 પ્લસ વિકેટ લીધી છે. એક રીતે જ્યાં બુમરાહે આ મામલે કપિલની બરાબરી કરી છે તો બીજી તરફ તેણે સૌથી ઝડપી સમયમાં આ કારનામું કરીને કપિલનો રેકોર્ડ પણ તોડી નાખ્યો છે. જ્યારે બુમરાહે SENA દેશોમાં 7 વખત 5 પ્લસ વિકેટ લેવા માટે માત્ર 51 ઇનિંગ્સ રમી છે, ત્યારે કપિલ દેવે 62 ઇનિંગ્સમાં આ રેકોર્ડ બનાવ્યો હતો.
