ભારતમાં લગ્ન પ્રસંગનું ખૂબ મહત્વ હોય છે. જેથી અનેક લોકો તેમના લગ્નને યાદગાર બનાવવા માંગતા હોય છે. આ દરમિયાન તેઓ DJ વખતે શાનદાર એન્ટ્રી પણ કરતા હોય છે. જેમાં આજકાલ બાઈકમાં એન્ટ્રી કરવાનો ક્રેઝ પણ વધ્યો છે. તેને લઇ એક વીડિયો સોશિયલ મીડિયામાં વાયરલ થયો છે. જેમાં એક દુલ્હન બાઈક પર સ્ટંટ કરતી જોવા મળી રહી છે.
વાયરલ થઈ રહેલા આ વીડિયોને જોઈને સમજી શકાય છે કે લગ્નમાં પોતાની એન્ટ્રીને સ્પેશિયલ બનાવવા માટે મહિલા ઘરના આંગણામાં બાઇક પર પ્રેક્ટિસ કરતી જોવા મળી રહી છે. જેને જોઈને દરેક લોકો આશ્ચર્યચકિત થઈ ગયા છે.
વીડિયોમાં જોઈ શકાય છે કે એક મહિલા આરામથી બાઈક પર બેસે છે અને તેને જમણી તરફ નમાવે છે પછી બાઇકને સર્કલમાં ફેરવવાનું શરૂ કરે છે. તે બાઇકને ગોળ ગોળ ઘૂમાવીને પાછળના વ્હીલથી માટી પર વર્તુળ બનાવે છે. પછી તે બાઇક લઈને સીધી આગળ તરફ જતી રહે છે.
આ વીડિયોને ઈન્સ્ટાગ્રામ પર jeejaji નામના એકાઉન્ટ પરથી શેર કરવામાં આવ્યો છે. જેને લાખો લોકો જોઈ ચૂક્યા છે. અને ઘણી કૉમેન્ટ પણ આવી રહી છે. જેમાં એક યુઝરે લખ્યું કે, “લકીએસ્ટ હસબંડ” બીજા એક યુઝરે લખ્યું કે, “આ છોકરી નહીં છોકરો છે”. તો અન્ય એકે લખ્યું હતું કે, “ભૂલથી સુફિયાન રાઇડરની બહેન સાથે લગ્ન કરી દીધા”.
