બોલિવૂડ એક્ટ્રેસ શિલ્પા શેટ્ટીના પતિ અને બિઝનેસમેન રાજ કુન્દ્રા (Raj Kundra) પોર્નોગ્રાફી કેસને લઈને હજુ પણ ચર્ચામાં છે. 2021માં રાજ કુન્દ્રાના ઘરે પોર્નોગ્રાફી કેસમાં દરોડા પાડવામાં આવ્યા હતા. આ પછી, EDએ તેમને સમન્સ મોકલ્યા અને પૂછપરછ માટે બોલાવ્યા, પરંતુ તે હાજર થયા નહીં. ત્યારબાદ આ કેસના આરોપમાં તેમની ધરપકડ કરવામાં આવી અને બાદમાં તેમને જામીન પણ મળી ગયા હતા. જો કે, તેમણે તેમની સામેના આરોપોને ફગાવીને દાવો કર્યો કે આ કેસમાં તેમને ‘બલિનો બકરો’ બનાવવામાં આવ્યો છે.
પોર્નોગ્રાફી કેસ સાથે જોડાયેલ મની લોન્ડરિંગ કેસની તપાસ પર, બિઝનેસમેન રાજ કુન્દ્રા (Raj Kundra) એ કહ્યું, “છેલ્લા 3 વર્ષથી મીડિયા આટલી બધી અટકળો કરી રહ્યું હતું, મને લાગ્યું કે આ અટકળોમાં મારી ભાગીદારીની જરૂર નથી. મારા માટે ક્યારેક-ક્યારેક મૌન આનંદ હોય છે પરંતુ જ્યારે વાત પરિવારની આવે છે અને પરિવારના સભ્યો આમાં સામેલ છે, તો મને લાગે છે કે મારે સામે આવીને બોલવું જોઈએ, મને ન્યાયતંત્રમાં સંપૂર્ણ વિશ્વાસ છે, હું એકલો છું જે કહી રહ્યો છે કે આ કેસમાં જલદી નિષ્કર્ષ પર પહોંચવું જોઈએ, જલદી જ જો તેઓ દોષિત નથી તો તેમને આમાંથી મુક્તિ આપી દેવામાં આવે. હું આ ન્યાય માટે છેલ્લા 3 વર્ષથી લડી રહ્યો છું… પરિવાર વિના એ 63 દિવસ ગુજારવા માટે માટે મુશ્કેલ હતું, હું કોર્ટમાં લડી રહ્યો છું, મને વિશ્વાસ છે કે હું આ કેસ જીતીશ…”
#WATCH | Mumbai | On the money laundering probe linked to the pornography case, Businessman Raj Kundra says "For the last 3 years, the media was doing so much speculation, I felt that my participation is not needed in these speculations. To me sometimes silence is bliss but when… pic.twitter.com/cFXPxIREJp
— ANI (@ANI) December 17, 2024
રાજ કુન્દ્રા (Raj Kundra) એ અશ્લીલ વીડિયો કેસ પર કહી આ વાત
આ બાબતે પોતાનું મૌન તોડતાં તેમણે કહ્યું, “આજ સુધી હું કોઈ પોર્નોગ્રાફી, કોઈ પ્રોડક્શનનો ભાગ રહ્યો નથી, પોર્ન સાથે સંબંધિત કોઈ વાત નહીં. જ્યારે આ આરોપ સામે આવ્યો ત્યારે આ ખૂબ જ દુ:ખદાયક હતું. જામીન એટલા માટે મળ્યા, કારણ કે તેમાં કોઈ તથ્યો કે પુરાવા ન હતા. મને ખબર છે કે મેં કંઈ ખોટું કર્યું નથી. જ્યાં સુધી એપ ચલાવવાનો સવાલ છે, મારા પુત્રના નામ પર એક લિસ્ટેડ કંપની હતી અને અમે ટેક્નોલોજી સેવાઓ આપતા હતા. અમે અમારા જીજાની કંપની કેનરીનને ટેક્નોલોજી સેવાઓ પૂરી પાડી, જેનાથી તેઓએ યુકેથી ચાલતી એક એપ લોન્ચ કરી હતી, તે ચોક્કસપણે બોલ્ડ હતી, તે મોટા પ્રેક્ષકો માટે બનાવવામાં આવી હતી, આ A-રેટેડ ફિલ્મો હતી પરંતુ તે જરા પણ પોર્નોગ્રાફિક ન હતી.”
