કોલકાતાની એક મોડલે ઈન્સ્ટાગ્રામ યુઝર્સને આશ્ચર્ય કરી દીધા, જ્યારે તેણે દિલ્હીના ઈન્ડિયા ગેટની સામે સફેદ ટુવાલ પહેરીને ડાન્સ કરતો વીડિયો શેર કર્યો. યુવતી મિસ કોલકાતા પેજન્ટ 2017ની વિજેતા હોવાનો દાવો કરે છે. યુવતીનું નામ ‘સન્નાતિ મિત્રા’ છે, એવું કહેવામાં આવી રહ્યું છે કે, તે પહેલા પણ આવા વિવાદોમાં ફસાઈ ચૂકી છે. એક સમાચાર અનુસાર, સન્નાતિ મિત્રા બે દુર્ગા પૂજા પંડાલમાં ક્લીવેજ-બેરિંગ ટોપ પહેરીને પહોંચી હતી. તેની સાથે અન્ય બે મહિલાઓ પણ હતી.
મોડલ-ઇન્ફ્લુએન્સરના નવા વિડિયોએ લોકોને સ્તબ્ધ કરી દીધા છે, કારણ કે તે હિટ બોલિવૂડ ફિલ્મ ‘દિલવાલે દુલ્હનિયા લે જાયેંગે’ના ગીત પર લિપ-સિંક કરતી જોવા મળી હતી. તેણે આ વિડિયોમાં સફેદ ટુવાલ અને ચપ્પલ પહેરીને ડાન્સ કર્યો હતો. આ વિડિયો જોવા ઈન્ડિયા ગેટ પર હાજર પ્રવાસીઓની મોટી ભીડ જામી હતી, જેમાં બાળકો પણ સામેલ હતા. એવું કહેવામાં આવી રહ્યું છે કે, છોકરી ત્યાં આસપાસ ડાન્સ કરી રહી હતી અને કપડાં ઉતારવા માટે ટુવાલ ખોલતી પણ જોવા મળી હતી.
હેપ્પી ઇન્ટરનેશનલ મેન્સ ડેની શુભેચ્છા સાથે વીડિયો શેર કરવામાં આવ્યો અને કેપ્શનમાં લખ્યું છે, ‘હેપ્પી ઇન્ટરનેશનલ મેન્સ ડે. તમે બધા તમારી હિંમત, દયા અને સહાનુભૂતિથી અન્ય લોકોને પ્રેરણા અને પ્રોત્સાહિત કરવાનું ચાલુ રાખો.’ આ વીડિયોને થોડા જ કલાકોમાં લાખો વ્યૂઝ મળી ગયા છે. તેમજ આ વીડિયો પર લોકો વિવિધ પ્રકારની કોમેન્ટ કરી રહ્યા છે. જોકે, મોટાભાગની કોમેન્ટ્સમાં લોકો તેને ઠપકો આપતા જોવા મળે છે. કેટલાક યુઝર્સે કહ્યું કે, વાયરલ થવા અને વ્યુઝ મેળવવા માટે આવું ‘સસ્તું કામ’ કર્યું છે.
This Girl Sannati Mitra who was Miss Kolkata 2017 Stooping to new low just for internet likes – Danced in Just a Towel right in Center of Delhi at India Gate 🤦♀️ pic.twitter.com/pVlksadtOq
— Rosy (@rose_k01) November 20, 2024
અગાઉ, ઇન્સ્ટાગ્રામ પર શેર કરેલી તસવીરોમાં, મિત્રાએ લાંબો કાળો ગાઉન પહેર્યો હતો, જ્યારે તેની મિત્રએ દુર્ગા પૂજા પંડાલમાં હાજરી આપવા માટે ઘૂંટણની લંબાઈવાળા બૂટ સાથે નારંગી મીની ડ્રેસ પહેર્યો હતો. આ સિવાય તેમાં હાજર હેમોશ્રી ભદ્રાએ લો-કટ, ક્લીવેજને ટોપ પહેર્યું હતું. આ ત્રણેય યુવતીઓને સોશિયલ મીડિયા યુઝર્સે ‘અભદ્ર’ અને ‘અશ્લીલ’ ગણવામાં આવી અને ધાર્મિક સ્થાન પર અયોગ્ય વસ્ત્રો પહેરવા બદલ તેમની ટીકા કરવામાં આવી હતી.
