દિવાળીનો તહેવાર ભારતીય સંસ્કૃતિમાં ખાસ સ્થાન ધરાવે છે. આ પ્રકાશ, સુખ અને સમૃદ્ધિનું પ્રતિક માનવામાં આવે છે. આ પર્વ પર ઘર અને દુકાનને શણગારવાનું વિશેષ મહત્વ હોય છે. તેમાં પણ આંબાના પત્તાથી બનાવેલા તોરણની સાથે દીવા અને રંગોળીને ઘરના મુખ્ય દરવાજા પર શણગારવું એક મુખ્ય પરંપરા માનવામાં આવે છે. આંબાના પત્તાથી બનાવેલું તોરણ શુભતા અને સકારાત્મક ઊર્જાનું પ્રતિક માનવામાં આવે છે.
આંબાના પત્તાથી બનાવેલું તોરણનું મહત્વ
વાસ્તુશાસ્ત્ર અનુસાર આંબાના પત્તાના તોરણ લગાવવાથી ઘરમાં સકારાત્મક ઉર્જા આવે છે. આંબાના પત્તાને પવિત્ર માનવામાં આવે છે અને જ્યારે આને મુખ્ય દરવાજા પર લટકાવવામાં આવે છે ત્યારે આ નકારાત્મક શક્તિઓને દૂર રાખે છે. આનાથી ઘરમાં એક સુખદ અને શાંતિભર્યું વાતાવરણ જળવાઈ રહે છે. આ નકારાત્મક ઉર્જાને ઘરમાં આવવાથી રોકે છે, જેથી શાંતિ, સમૃધ્ધિ અને ખુશી જળવાઈ રહે છે.
ઘરને ખરાબ નજરથી બચાવે
આંબાના પત્તાથી બનાવેલું તોરણ ખરાબ નજરથી ઘરને બચાવવા માટે એક અસરકારક ઉપાય માનવામાં આવે છે. આ માત્ર ઘરની સજાવટ જ નથી વધારતું પરંતુ ધાર્મિક દ્રષ્ટિએ પણ મહત્વપૂર્ણ છે. પૌરાણિક કથાઓ અનુસાર આંબાના પત્તાથી બનાવેલું તોરણ લગાવવાથી દેવી-દેવતા પ્રસન્ન થાય છે અને તેમના આશીર્વાદ મળે છે.
એમ પણ માનવામાં આવે છે કે તોરણ ઘરના સભ્યોની પણ સુરક્ષા કરે છે અને પારિવારિક પ્રગતિમાં પણ મદદગાર હોય છે. ત્યારે દિવાળી પર આંબાના પત્તાથી બનાવેલું તોરણ એક માત્ર સજાવટ જ નથી, પરંતુ ધાર્મિક અને સંકૃતિક મહત્વથી પણ જોડાયેલું છે.
