દેશમાં વિમાનને બોમ્બથી ઉડાવી દેવાની ઘટનાઓમાં સતત વધારાની વચ્ચે હવે રાજકોટથી એક મોટા સમાચાર સામે આવ્યા છે. વાસ્તવમાં રાજકોટની 10 જાણીતી હોટેલને બોમ્બથી ઉડાવી દેવાની ધમકી મળતા હડકંપ મચી ગયો છે.
10 હોટેલને બોમ્બથી ઉડાવી દેવાની ધમકી
પ્રાથમિક વિગતો મુજબ રંગીલા રાજકોટની 5 સ્ટાર હોટેલો સહિત 10 હોટેલને બોમ્બથી ઉડાવી દેવાની ધમકી આપતો મેઈલ મળતા દોડધામ મચી છે. આ મેઈલના પગલે પોલીસ પણ સતર્ક બની છે.
પોલીસ એલર્ટ મોડમાં
રાજકોટની 5 સ્ટાર હોટેલો સહિત 10 હોટેલને બોમ્બથી ઉડાવી દેવાની ધમકીના સમાચારથી ચકચાર મચી ગઈ છે. વિગતો મુજબ રાજકોટની ઇમ્પીરિયલ પેલેસ, સયાજી હોટેલ, સિઝન્સ હોટેલ, હોટેલ ગ્રાન્ડ રેજંસી સહિત હોટેલને એક સાથે મેઈલ આવ્યો છે. આ તરફ દિવાળીના તહેવાર સમયે આ પ્રકારની ધમકીનો મેઈલ આવતા ચકચાર મચી ગઈ છે. ઘટનાની જાણ થતાં જ રાજકોટ શહેર પોલીસ દોડતી થઈ છે અને આ અંગે પોલીસ દ્વારા ચેકીંગ હાથ ધરવામાં આવ્યુ છે. આ સાથે કોણે મેઈલ કર્યો છે તે અંગે પણ સઘન તપાસ હાથ ધરવામાં આવી છે.
