ભારત અને ઓસ્ટ્રેલિયા વચ્ચે ચોથી ટેસ્ટ 26 ડિસેમ્બરથી શરૂ થશે. આ મેચ મેલબોર્નમાં રમાશે. હાલમાં ટેસ્ટ શ્રેણી 1-1થી બરાબર છે. ટીમ ઈન્ડિયાએ શ્રેણી કબજે કરવા માટે પ્રેક્ટિસ શરૂ કરી દીધી છે. આ દરમિયાન ઋષભ પંતનો એક વીડિયો વાયરલ થઈ રહ્યો છે. જેમાં તે એક દિવ્યાંગ બાળકને મળતો જોવા મળી રહ્યો છે.
સોશિયલ મીડિયા પર એક વીડિયો ઝડપથી વાયરલ થયો હતો જેમાં રિષભ પંત એક વિકલાંગ બાળક સાથે ફોટો પડાવતો જોવા મળે છે. આ દરમિયાન પંતે પેડ પહેર્યા હતા, એવું લાગી રહ્યું હતું કે તે પ્રેક્ટિસ છોડીને તે બાળકને મળવા આવ્યો હતો. પહેલા તેણે બાળક સાથે વાત કરી અને પછી તેનો ફોટો પણ ક્લિક કરાવ્યો. વિડીયો હ્રદયસ્પર્શી હતો.
RISHABH PANT – WINNING THE HEART OF CRICKET FANS 🤍
– A beautiful gesture by Pant. pic.twitter.com/ZdMZcyrfZm
— Johns. (@CricCrazyJohns) December 24, 2024
પંતનું પ્રદર્શન આ શ્રેણીમાં અત્યાર સુધી કંઈ ખાસ રહ્યું નથી. તેણે 3 ટેસ્ટમાં 91 રન બનાવ્યા છે. જેમાં એક બે નાની ઇનિંગ્સનો સમાવેશ થાય છે. પંત પાસેથી આશા રાખવામાં આવશે કે તે ફોર્મમાં પરત ફરશે અને ટીમને જીત અપાવવામાં મોટો ફાળો આપશે. પંત ચોથી ટેસ્ટ માટે પ્લેઈંગ ઈલેવનનો ભાગ હશે.
ચોથી ટેસ્ટ માટેની ભારતીય ટીમઃ રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, અભિમન્યુ ઈશ્વરન, શુભમન ગિલ, વિરાટ કોહલી, કેએલ રાહુલ, ઋષભ પંત (વિકેટકીપર), સરફરાઝ ખાન, ધ્રુવ જુરેલ (વિકેટકીપર) , રવિન્દ્ર જાડેજા , મોહમ્મદ સિરાજ , આકાશ દીપ , પ્રસિદ્ધ કૃષ્ણ , હર્ષિત રાણા , નીતિશ કુમાર રેડ્ડી , વોશિંગ્ટન સુંદર , દેવદત્ત પડિકલ , તનુષ કોટિયન.
