પોસ્ટર ફાડ્યા, કરી ધક્કામુક્કી , આર્ટિકલ 370 પર જમ્મુ-કાશ્મીર વિધાનસભામાં બબાલ, ધારાસભ્યો આવી ગયા સામેસામે..

    Heet BhanderiBy
    Untitled 33

    જમ્મુ-કાશ્મીર વિધાનસભામાં કલમ 370 પર જબરદસ્ત હોબાળો મચ્યો અને ધારાસભ્યો વચ્ચે ધક્કામુક્કી અને મારામારી થઈ. એન્જિનિયર રાશિદના ભાઈ અને ધારાસભ્ય ખુર્શીદ અહમદ શેખે સદનમાં કલમ 370નું બેનર બતાવ્યું, જે પછી શ્રીનગરમાં વિધાનસભામાં હોબાળો થયો. વિધાનસભામાં પાર્ટીના ધારાસભ્યો અને વિપક્ષ વચ્ચે મારામારી શરૂ થઈ ગઈ. બેનર બતાવવાનો વિધાનસભામાં વિપક્ષના નેતા સુનીલ શર્માએ વિરોધ કર્યો.

    જમ્મુ-કાશ્મીર વિધાનસભામાં ગુરુવારે જોરદાર હોબાળો થયો છે. વિધાનસભામાં પક્ષના ધારાસભ્યો અને વિપક્ષ વચ્ચે ઘર્ષણ ચાલી રહ્યું છે. આ હોબાળો કલમ 370 હટાવવાના પ્રસ્તાવને લઈને થઈ રહ્યો છે. જમ્મુ-કાશ્મીર વિધાનસભામાં કલમ 370 પર જબરદસ્ત હોબાળો મચ્યો અને ધારાસભ્યો વચ્ચે ધક્કામુક્કી અને મારામારી થઈ.


    બારામુલ્લાના લોકસભા સાંસદ એન્જિનિયર રાશિદના ભાઈ ખુર્શીદ અહેમદ શેખે ગૃહમાં કલમ 370નું બેનર બતાવ્યું, ત્યારબાદ પાર્ટીના ધારાસભ્યો અને વિપક્ષો વચ્ચે મારામારી શરૂ થઈ ગઈ. ભાજપના નેતા અને વિધાનસભામાં વિરોધ પક્ષના નેતા સુનીલ શર્માએ બેનર બતાવવાનો વિરોધ કર્યો હતો. આ પછી સદનને થોડા સમય માટે સ્થગિત કરી દેવામાં આવ્યું છે.

    વિધાનસભામાં સ્થિતિ એવી બની કે માર્શલને વચ્ચે બચાવમાં આવવું પડ્યું. વિધાનસભામાં હોબાળો મચાવતા કેટલાક વિપક્ષી ધારાસભ્યોને માર્શલોએ બહારનો રસ્તો બતાવ્યો. આ પછી ગૃહની કાર્યવાહી થોડા સમય માટે સ્થગિત કરી દેવામાં આવી. જણાવી દઈએ કે ખુર્શીદ અહેમદ શેખ લંગેટ વિધાનસભા બેઠક પરથી અવામી ઇત્તેહાદ પાર્ટીના ધારાસભ્ય છે. પીપલ્સ ડેમોક્રેટિક પાર્ટી (PDP) એ જમ્મુ અને કાશ્મીર વિધાનસભામાં કલમ 370 અને 35Aને પુનઃસ્થાપિત કરવા માટે ઠરાવ રજૂ કર્યો હતો.


    NCએ ભારત માતાની પીઠમાં ખંજર માર્યું: રવિન્દ્ર રૈના
    બીજેપી નેતા નિર્મલા સિંહે કહ્યું કે 370 હવે ઈતિહાસ બની ગયો છે. ઓમર અબ્દુલ્લા સરકાર પાકિસ્તાનનું મનોબળ વધારી રહી છે. જયારે બીજેપી નેતા રવિન્દ્ર રૈનાએ કહ્યું કે 370 એ જમ્મુ-કાશ્મીરમાં આતંકવાદ, અલગતાવાદ અને પાકિસ્તાનની માનસિકતાને જન્મ આપ્યો. આવી સ્થિતિમાં વિધાનસભામાં 370 પ્રસ્તાવને ગેરબંધારણીય રીતે લાવવો અને તેને ચોરોની જેમ છુપાઈને ઉતાવળે રજૂ કરવો એ દર્શાવે છે કે નેશનલ કોન્ફરન્સ અને કોંગ્રેસ જમ્મુ-કાશ્મીરમાં ફરીથી સ્થિતિ બગડવા માંગે છે. આ ભારત માતાની પીઠ પર કોંગ્રેસે ખંજર માર્યું છે.

    તેમણે કહ્યું કે કોંગ્રેસ અને એનસી વાસ્તવમાં કાશ્મીરમાં આતંકવાદીઓના એજન્ડાને પૂરા કરવાનું કાવતરું કરી રહ્યા છે. પરંતુ ભાજપ વિધાનસભાની અંદર અને બહાર કોંગ્રેસ અને નેશનલ કોન્ફરન્સને તગડી ટક્કર આપશે પરંતુ આ એજન્ડાને અહીં ચાલવા દેશે નહીં.

    જણાવી દઈએ કે છ વર્ષ પછી પહેલીવાર જમ્મુ-કાશ્મીર વિધાનસભાનું સત્ર થઈ રહ્યું છે. આ પાંચ દિવસીય સત્ર સોમવારથી શરૂ થયું છે. ઉલ્લેખનીય છે કે 5 ઓગસ્ટ, 2019 ના રોજ, કેન્દ્ર સરકારે કલમ 370 હટાવીને જમ્મુ અને કાશ્મીરનો વિશેષ દરજ્જો નાબૂદ કરી દીધો હતો અને જમ્મુ અને કાશ્મીરને બે કેન્દ્રશાસિત પ્રદેશોમાં વિભાજિત કરી દીધું હતું.

    Share.

    Related Posts