મેલબોર્ન (Melbourne Test) માં ભારત અને ઓસ્ટ્રેલિયા વચ્ચે રમાઈ રહેલી બોર્ડર-ગાવસ્કર ટ્રોફી 2024-25ની ચોથી ટેસ્ટમાં વિરાટ કોહલી (Virat Kohli) ચર્ચાનો વિષય બની રહ્યા છે. મેચના પહેલા દિવસે કોહલી અને ઓસ્ટ્રેલિયાના યુવા ઓપનર સેમ કોન્સ્ટાસ વચ્ચે ટક્કર જોવા મળી હતી. આ પછી કિંગ કોહલી (Virat Kohli) ઓસ્ટ્રેલિયાના ક્રાઉડના નિશાના પર આવી ગયા છે. હવે એક વીડિયો સામે આવ્યો છે, જેમાં કોહલીએ તેમના જૂના અંદાજમાં કાંગારૂ ફેન્સને જવાબ આપ્યો.
વીડિયોમાં જોઈ શકાય છે કે કોહલી (Virat Kohli) બાઉન્ડ્રી લાઈન પાસે ફિલ્ડિંગ કરી રહ્યો છે. કોહલીને જોઈને ક્રાઉડ બૂ… કરવા લાગે છે, જેને જોઈને કિંગ કોહલી તેમની જૂની સ્ટાઈલમાં ઇશારો કરીને કહે છે કે વધુ જોરથી કરો અવાજ ધીરે ધીરે આવી રહ્યો છે. કોહલીના ઇશારાને જોઈને પછી ભીડમાંથી જોરદાર અવાજ આવે છે.
કોહલી પર લાગ્યો મેચ ફીના 20 ટકા દંડ
જણાવી દઈએ કે ઓસ્ટ્રેલિયન ઓપનર સાથે ટકરાયા બાદ ICCએ કોહલી (Virat Kohli) પર મેચ ફીના 20 ટકાનો દંડ ફટકાર્યો હતો. ભારત અને ઓસ્ટ્રેલિયા વચ્ચે મેલબોર્ન ટેસ્ટના પહેલા દિવસે વિરાટ કોહલીએ સેમ કોન્સ્ટાસને ખભો માર્યો હતો. આ મામલે ચર્ચાએ જોર પકડ્યું હતું.
Virat Kohli owning Aussie crowd is permanent😭❤️ pic.twitter.com/wQtBeMcO4O
— ` (@Was_divote) December 27, 2024
પહેલી ઇનિંગમાં ઓસ્ટ્રેલિયાએ બનાવ્યો મોટો સ્કોર
મેચમાં ઓસ્ટ્રેલિયાએ ટોસ જીતીને બેટિંગ કરવાનો નિર્ણય લીધો અને 474/10 રન બનાવ્યા. સ્ટીવ સ્મિથે ટીમ માટે સૌથી મોટી અને શ્રેષ્ઠ ઇનિંગ રમી અને 13 ચોગ્ગા અને 3 છગ્ગાની મદદથી 140 રન બનાવ્યા. આ સિવાય માર્નસ લાબુશેન, સેમ કોન્સ્ટાસ અને ઉસ્માન ખ્વાજાએ શાનદાર અડધી સદીની ઇનિંગ્સ રમી. લાબુશેને 72, કોન્સ્ટાસે 60 અને ખ્વાજાએ 57 રન બનાવ્યા. બાકીના કેપ્ટન પેટ કમિન્સે મહત્ત્વની ઈનિંગ્સ રમી અને 49 રન બનાવ્યા. આ દરમિયાન જસપ્રીત બુમરાહે ભારત તરફથી સૌથી વધુ 4 વિકેટ ઝડપી. આ ઉપરાંત રવિન્દ્ર જાડેજાએ 3, આકાશદીપે 2 અને વોશિંગ્ટન સુંદરે 1 વિકેટ લીધી હતી.
