હવામાન શાસ્ત્રી અંબાલાલ પટેલ દ્વારા રાજ્યમાં ઠંડીને લઈ મોટી આગાહી કરી છે. અંબાલાલ પટેલે જણાવ્યું હતું કે, આજથી રાજ્યમાં પશ્ચિમી વિક્ષેપ આવશે. તેમજ તા. 17 થી 20 નવેમ્બર પશ્ચિમી વિક્ષેપ આવશે. ઉત્તરીય પર્વતીય પ્રદેશમાં હિમવર્ષાનાં કારણે ગરમી ઘટશે. ઉત્તર ગુજરાતનાં ભાગોમાં આજથી ન્યૂનત્તમ તાપમાન 18 ડિગ્રી સેલ્સિયસ થઈ શકે છે. ઘઉંનાં પાક માટે તાપમાન હાલ સાનુકૂળ નહી. હાલની વાવણી થાય તો જીરા, દિવેલામાં ગરમીનાં કારણે ઉત્પાદન ઘટી શકે છે.
હિમ વર્ષા ના કારણે ગુજરાત માં ઠંડીની લહેર આવશે
23 નવેમ્બર બાદ મજબૂત પશ્ચિમી વિક્ષેપ આવતા ઉત્તર પર્વતિય પ્રદેશોમાં ભારે હિમવર્ષા થશે. હિમવર્ષાનાં કારણે ગુજરાતમાં ઠંડીની લહેર આવશે. બંગાળ ઉપસાગરમાં 20 થી 25 નવેમ્બર ડિપ ડિપ્રેશનનાં કારણે ચક્રવાત બનશે. અરબ સાગરમાં 19 થી 22 નવેમ્બર લો પ્રેશર સર્જાશે. લો પ્રેશર સોમાલીયા કે ઓમાન તરફ જશ તો વરસાદનહી આવે.
માર્ચ એપ્રિલ સુધી માવઠા આવી શકે
ગુજરાત તરફ વરસાદ આવવાની શક્યતાઓ પણ હવામાન નિષ્ણાંત અંબાલાલ પટેલ દ્વારા વ્યક્ત કરવામાં આવી છે. અરબ સાગરમાં સાયક્લોનિક સરક્યુલેશનનાં કારણે ચક્રવાત બને તેવી સંભાવના છે. ગ્લોબલ વોર્મિગ 74 વર્ષ બાદ ઓક્ટોબર માસમાં ગરમી પડી શકે છે. ગુજરાતમાં રેકોર્ડ બ્રેક ઠંડી પડશે. અને માવઠું પડી શકે છે. છેલ્લા 30 વર્ષથી ઠંડીનાં રેકોર્ડ તૂટશે. માર્ચ માસ સુધી હવામાનમાં પલ્ટો આવશે. માર્ચ એપ્રિલ સુધી માવઠું પડી શકે છે.
