મહિલાઓના યૌન શૌષણનો કેસ વધી રહ્યાં છે. રાજસ્થાનના અલવરમાં સગીર બાળકી પર સામૂહિક બળાત્કારનો મામલો સામે આવ્યો છે. ઘટનાને અંજામ આપ્યા બાદ બદમાશોએ યુવતીનો અશ્લીલ વીડિયો બનાવીને સોશિયલ મીડિયા પર વાયરલ કરી દીધો હતો. પોતાના અશ્લિલ વીડિયોની જાણ થતાં છોકરીએ ઝેર પીને આપઘાત કર્યો હતો.
ખેતરમાં એકલી ભાળીને કર્યો ગેંગરેપ
મૃતકના પરિજનોની ફરિયાદના આધારે પોલીસે પોક્સો એક્ટ હેઠળ કેસ નોંધીને તપાસ શરૂ કરી છે. 8મીએ પીડિતા તેની ભાભી સાથે ખેતરમાં ગઈ હતી. આ દરમિયાન તે પાણીની પાઈપ કાઢવા માટે ખેતરમાં રોકાઈ હતી અને યુવતીને એકલી જોઈને તેની ભાભી ઘરે પરત ફરતા ગામના બે છોકરાઓએ આ ઘટનાને અંજામ આપ્યો હતો. આ દરમિયાન આરોપીઓએ પીડિતાના અશ્લીલ ફોટા અને વીડિયો બનાવીને સોશિયલ મીડિયા પર વાયરલ કર્યા હતા. જ્યારે પીડિતા ઘરે પહોંચી ત્યારે તેને આ વાતની ખબર પડી. આ પછી તેણે ઘરમાં ઝેર પી લીધું. પીડિતાની માતા જ્યારે ઘરે પહોંચી ત્યારે તે જમીન પર પડી હતી અને તેના મોઢામાંથી ફીણ નીકળી રહ્યું હતું.
બે યુવકો સામે ગુનો નોંધાયો
પરિવારજનો તેને ઉપાડી જિલ્લા હોસ્પિટલમાં લઈ ગયા. જ્યાં તેની ગંભીર હાલતને જોતા તેને જયપુર રીફર કરાઈ હતી પરંતુ દરમિયાન તેનું મોત નિપજ્યું હતું. પીડિતાના પિતાની ફરિયાદના આધારે પોલીસે ગામના બે યુવકો વિરુદ્ધ સામૂહિક બળાત્કારનો કેસ નોંધ્યો છે.
