બોર્ડર ગાવસ્કર ટ્રોફીની ત્રીજી ટેસ્ટ મેચ બ્રિસ્બેનના ગાબામાં રમાઈ રહી છે. જેમાં ટીમ ઈન્ડિયા હાલમાં બેકફૂટ પર જોવા મળી રહી છે. અહીંયા ટીમ ઇન્ડિયાની 4 વિકેટ જલ્દી પડી ગઈ છે. આ મેચ દરમિયાન કેપ્ટન રોહિત શર્માનો એક વીડિયો સોશિયલ મીડિયા પર વાયરલ થઈ રહ્યો છે. જેમાં રોહિતનો અવાજ સ્ટમ્પ માઈકમાં કેદ થઈ ગયો હતો.
રોહિતનો વીડિયો સોશિયલ મીડિયા પર થયો વાયરલ
રોહિત શર્માનો અવાજ ઘણીવાર સ્ટમ્પ માઈકમાં કેદ થઈ જતો હોય છે. અત્યારે તેનો વીડિયો પણ સોશિયલ મીડિયા પર વાયરલ થઈ રહ્યો છે. ત્રીજી ટેસ્ટના ત્રીજા દિવસે આવો જ એક વીડિયો સામે આવ્યો છે. જ્યારે આકાશ દીપ બોલિંગ કરી રહ્યો હતો, ત્યારે તેને બોલને એટલો વાઈડ ફેંક્યો કે વિકેટકિપર ઋષભ પંત માટે પણ બોલને પકડવો મુશ્કેલ બની ગયો. બાદમાં રોહિત શર્મા આકાશના દીપ તરફ જોઈને ગુસ્સામાં કંઈક કહેતો જોવા મળ્યો, જેમાં તેને બોલરને કહ્યું હતું કે, “મગજમાં કંઇ છે કે નહીં?”
Rohit Sharma & Stump-mic Gold – the story continues… 😅#AUSvINDOnStar 👉 3rd Test, Day 3 LIVE NOW! | #ToughestRivalry #BorderGavaskarTrophy pic.twitter.com/vCW0rURX5q
— Star Sports (@StarSportsIndia) December 16, 2024
ઉલ્લેખનીય છે કે, ઓસ્ટ્રેલિયાએ ગાબા ટેસ્ટના પ્રથમ દાવમાં શાનદાર બેટિંગ કરી હતી. ફર્સ્ટ ઇનિંગમાં બેટિંગ કરતા ઓસ્ટ્રેલિયાએ 445 રન બનાવ્યા હતા. ઓસ્ટ્રેલિયા તરફથી ટ્રેવિસ હેડે 152 રન અને સ્ટીવ સ્મિથે 101 રન કર્યા હતા. જેમાં ટીમ ઈન્ડિયા તરફથી બોલિંગ કરતી વખતે જસપ્રીત બુમરાહે સૌથી વધુ 6 વિકેટ લીધી હતી.
પ્રથમ દાવમાં ટીમ ઈન્ડિયાની ખરાબ શરૂઆત
જ્યારે ફર્સ્ટ ઈનિંગમાં ઈન્ડિયાની ટીમની શરૂઆત ખરાબ રહી હતી. ટીમ ઈન્ડિયાએ 48 રનની અંદર પોતાની ચાર વિકેટ ગુમાવી દીધી છે. જેમાં યશસ્વી જયસ્વાલ 4, શુભમન ગિલ 1, વિરાટ કોહલી 3 અને ઋષભ પંત 9 રન બનાવીને સસ્તામાં પેવેલિયન ભેગા થયા હતા.
