ટીમ ઈન્ડિયાના સ્ટાર બેટ્સમેન વિરાટ કોહલી માટે બોર્ડર-ગાવસ્કર ટ્રોફી 2024-25 ખૂબ ખરાબ રહી. સીરિઝનો છેલ્લો મુકાબલો સિડની ક્રિકેટ ગ્રાઉન્ડમાં રમાઈ રહ્યો છે. આ મુકાબલામાં પણ વિરાટનું બેટિંગ શાંત રહ્યું. તે આખી સીરિઝ એક જ રીતે આઉટ થતો રહ્યો અને છેલ્લી ઇનિંગમાં પણ આવું જ કંઈક થયું. સિડની ટેસ્ટની બીજી ઇનિંગમાં પણ પણ સસ્તામાં આઉટ થયા બાદ વિરાટ કોહલી ખૂબ ગુસ્સામાં જોવા મળ્યો અને તેણે પોતાનો ગુસ્સો કાઢ્યો.
સિડની ટેસ્ટમાં વિરાટ કોહલી ગુસ્સે થયો
સિડની ટેસ્ટની બીજી ઇનિંગમાં વિરાટ કોહલી 12 બોલ પર પોતાની 6 રનની ઇનિંગ રમી શક્યો. આ ઇનિંગમાં તે સ્કોટ બોલેન્ડનો શિકાર બન્યો. મેચની પહેલી ઇનિંગમાં પણ તેણે સ્કોટ બોલેન્ડે જ આઉટ કર્યો હતો. વિરાટ ફરી એક વાર બહાર તરફ જતાં બોલ કંટ્રોલ ન કરી શક્યો અને સ્લીપમાં સ્ટીવ સ્મિથને કેચ આપી દીધો. મુકાબલાની પહેલી ઇનિંગમાં પણ આવું જ કંઈક જોવા મળ્યું હતું. પરંતુ આ વખતે તે પોતાની વિકેટ ગુમાવ્યા બાદ ખૂબ ગુસ્સામાં જોવા મળ્યો. બહાર નીકળ્યા પછી, તે પોતાનું માથું મારતો જોવા મળ્યો હતો અને કેટલાક અપશબ્દોનો પણ ઉપયોગ કર્યો હતો.
The Scott Boland show is delivering at the SCG!
He's got Virat Kohli now. #AUSvIND pic.twitter.com/12xG5IWL2j
— cricket.com.au (@cricketcomau) January 4, 2025
બોર્ડર-ગાવસ્કર ટ્રોફી 2024-25માં ન ચાલ્યું બેટિંગ
વિરાટ કોહલી માટે બોર્ડર-ગાવસ્કર ટ્રોફી 2024-25 શરૂઆત ક્યાંય ને કયાંક સારી રહી હતી. તેમને પર્થ ટેસ્ટમાં એક સદી ફટકારી હતી. પરંતુ આ બાદ તે સતત 4 મેચમાં ફ્લોપ રહ્યો. તે પર્થ ટેસ્ટ સિવાય કોઈ પણ ટેસ્ટમાં અડધી સદી પણ ન ફટકારી શક્યો. તે સીરિઝમાં રમાયેલી 9 ઇનિંગમાંથી 5 ઇનિંગમાં ડબલ ફિગર સુધી પણ ન પહોંચી શક્યો. આ ખરાબ પ્રદર્શનના કારણે તે 6 મેચની સીરિઝમાં 23.75 ના સરેરાશ થી 190 રન જ બનાવી શક્યો.
