ઈન્ડિયન પ્રીમિયર લીગ (IPL) 2025 સીઝન માટે બે દિવસીય મેગા ઓક્શન 24 અને 25 નવેમ્બરના રોજ સાઉદી અરેબિયાના જેદ્દાહમાં યોજાઈ હતી. જેમાં 13 વર્ષના વૈભવ સૂર્યવંશીએ હલચલ મચાવી દીધી છે. આ વખતે તે IPL મેગા ઓક્શનમાં એન્ટ્રી કરનાર સૌથી યુવા ક્રિકેટર બન્યો છે. વૈભવ સૂર્યવંશીની મૂળ કિંમત 30 લાખ રૂપિયા હતી. પરંતુ તેને રાજસ્થાન રોયલ્સે 1.10 કરોડ રૂપિયામાં ખરીધો હતો.
વૈભવને ખરીદવા બે ટીમો સામસામે
જ્યારે હરાજી માટે બેટ્સમેન વૈભવ સૂર્યવંશીનું નામ સામે આવ્યું ત્યારે તેને ખરીદવા માટે દિલ્હી કેપિટલ્સ અને રાજસ્થાન રોયલ્સ વચ્ચે યુદ્ધ થયું હતું. દરમિયાન, વૈભવ સૂર્યવંશીની કિંમત 30 લાખ રૂપિયાથી વધી રહી હતી, જે 1.10 કરોડ રૂપિયા પર બંધ થઈ ગઈ હતી. આ છેલ્લી બોલી રાજસ્થાનની ટીમે લગાવી હતી. અહીં દિલ્હીએ હાર સ્વીકારી અને રાજસ્થાનની ટીમ જીતી ગઈ. હવે વૈભવ સૂર્યવંશી IPL 2025 સીઝનમાં સંજુ સેમસનની કેપ્ટનશીપવાળી રાજસ્થાનની ટીમ માટે રમશે.
વૈભવ સૌથી યુવા ખેલાડી હતો
બિહારનો વૈભવ સૂર્યવંશી આ વખતે હરાજીની યાદીમાં સામેલ થનાર સૌથી યુવા ખેલાડી છે. ESPN Cricinfo અનુસાર, વૈભવ સૂર્યવંશીનો જન્મ 27 માર્ચ 2011ના રોજ થયો હતો અને તેમની હાલની ઉંમર 13 વર્ષ અને 234 દિવસ (16 નવેમ્બર 2024) છે. વૈભવ સૂર્યવંશી બિહાર માટે ડોમેસ્ટિક ક્રિકેટ રમે છે. વૈભવે આ વર્ષે જાન્યુઆરીમાં મુંબઈ સામે ફર્સ્ટ ક્લાસમાં ડેબ્યૂ કર્યું હતું.
વૈભવને બાળપણથી જ ક્રિકેટનો શોખ હતો, વૈભવનો જન્મ સમસ્તીપુર જિલ્લાના મોતીપુરમાં થયો હતો. પાંચ વર્ષની ઉંમરથી તેના પિતા સંજીવે વૈભવને પ્રેક્ટિસ નેટ બનાવવાનું શરૂ કર્યું. આ માટે વૈભવના પિતાએ ઘરે નેટ લગાવી. ત્યારબાદ વૈભવે સમસ્તીપુરની ક્રિકેટ એકેડમીમાં એડમિશન લીધું. આ પછી વૈભવે પટનાની જીસસ એકેડમીમાં મનીષ ઓઝા પાસેથી ટ્રેનિંગ લીધી.
