જ્યોતિષોના મત મુજબ ફેબ્રુઆરી મહિનો દરેક રાશિઓના જાતકો માટે ખૂબ સારો રહેવા પામશે. આ મહિનામાં ગ્રહોની હિલચાલ સવિશેષ રહેશે. સૂર્ય, મંગળ, બુધ અને બૃહસ્પતિ ગોચર કરશે તો 11 ફેબ્રુઆરીએ બુધ શનિની રાશિ કુંભમાં ગોચર કરશે અને આગળ દિવસે એટલે કે 12 તારીખે સૂર્ય પણ કુંભ રાશિમાં પ્રવેશ કરશે. આ કુંભ રાશિમાં સૂર્ય, બુધ અને શનિનો ત્રિગ્રહી યોગ બનાવશે તે પછી મંગળ ગ્રહ વરૂસભ રાશિમાં માર્ગી થઈને ગોચર કરશે. આ મહિનાના અંત ભાગમાં બુધ મીન રાશિમાં પ્રવેશ અરશે જે કમાણીની શાનદાર તક લઈને આવશે.
ત્યારે ચાલો જાણીએ ફેબ્રુઆરી મહિનામાં થનારું આ ગોચર કઈ 5 રાશિઓ માટે લાભકારી છે.
મેષ રાશિ
ફેબ્રુઆરી મહિનો મેષ રાશિના લોકો માટે કારકિર્દીમાં પ્રગતિ માટે નવી તકો લઈને આવશે. આ મહિને વિદ્યાર્થીઓને ઉચ્ચ શિક્ષણમાં સફળતા મળશે. નોકરી કરતા લોકોને તેમના કાર્યસ્થળ પર પ્રમોશન મળી શકે છે. આ ઉપરાંત વ્યવસાય સાથે સંકળાયેલા લોકોને પણ સારો નફો મળશે. આ ઉપરાંત ધાર્મિક કાર્યોમાં રસ વધશે. વિદેશ યાત્રા માટે સમય અનુકૂળ રહેશે. સ્પર્ધાત્મક પરીક્ષાઓમાં સફળતા મળશે.
મિથુન રાશિ
મિથુન રાશિના લોકો માટે ફેબ્રુઆરીમાં ગ્રહોનું ગોચર કોઈ વરદાનથી ઓછું નહીં હોય. વ્યવસાય કરનારાઓને ગુરુ ગ્રહનો આશીર્વાદ મળશે, જેના પરિણામે સારો નફો થશે. લગ્ન સંબંધિત બાબતોમાં તમને સકારાત્મક પરિણામો મળશે. ગ્રહોના શુભ પ્રભાવને કારણે, તમને કોર્ટ કેસોમાં સફળતા મળશે. નોકરી અને વ્યવસાયમાં પ્રગતિની શક્યતા રહેશે.
કર્ક રાશિ
ફેબ્રુઆરી મહિનો કર્ક રાશિના લોકો માટે સ્વાસ્થ્ય અને આર્થિક લાભનો સમય રહેશે. કોઈ મોંઘી વસ્તુ ખરીદવાની શક્યતા છે. વ્યવસાય માટે યાત્રા ફાયદાકારક રહેશે. લેખન જેવા કામથી સારી આવક થશે. અટકેલા કામમાં ગતિ આવશે. લગ્નજીવન સુખી રહેશે.
સિંહ રાશિ
સિંહ રાશિના લોકોને આ મહિને બાળકો અને પ્રેમ સંબંધ સંબંધિત સારા સમાચાર મળશે. આ સાથે, કાર્યસ્થળમાં પ્રગતિ અને પૂર્વજોની સંપત્તિ સંબંધિત બાબતનો ઉકેલ આવશે. તમને તમારા પરિવાર સાથે ધાર્મિક અને આધ્યાત્મિક પ્રવૃત્તિઓમાં ભાગ લેવાની તક મળશે. લગ્નજીવન સુખી રહેશે. નોકરી કરતા લોકોને પ્રમોશનના સારા સમાચાર મળી શકે છે. વિદ્યાર્થીઓને સ્પર્ધાત્મક પરીક્ષાઓમાં સફળતા મળી શકે છે.
કુંભ રાશિ
કુંભ રાશિના લોકો માટે ફેબ્રુઆરી મહિનો અદ્ભુત અને ફાયદાકારક રહેવાનો છે. ગ્રહોના ગોચરનો જીવન પર સકારાત્મક પ્રભાવ પડશે. આ મહિને તમારા સ્વભાવમાં આક્રમક બનવાનું ટાળવું પડશે. નવો વ્યવસાય શરૂ કરવા માટે સમય શુભ છે. શિક્ષણ અને સ્પર્ધામાં તમને સફળતા મળશે. પરિવાર સાથે યાત્રાનું આયોજન થઈ શકે છે.
