અવારનવાર બોલિવૂડના કલાકારોના અફેરના સમાચારો સામે આવતા રહે છે. એમના માટે એમ તો આ કોઈ નવી વસ્તુ નથી, પરંતુ કેટલીકવાર આ સમાચારો એટલી હદે ફેલાઈ જાય છે કે તેમના અંગત જીવન પર આની અસર થાય છે. આવું થયું હતું 90ના દાયકામાં, જયારે ગોવિંદાના અફેરની ખબરોની અસર તેમના લગ્નજીવન પર પડી હતી. વાત એટલી હદે વધી ગઈ હતી કે તેમના પત્ની સુનીતા સાથેનો સંબંધ પણ જોખમમાં આવી ગયો હતો.
રાની મુખર્જી અને ગોવિંદા વચ્ચેના અફેરની ચર્ચા
એક સમયે બોલિવૂડની સુંદર અભિનેત્રી રાની મુખર્જી અને ગોવિંદા વચ્ચેના એક્સ્ટ્રા મેરિટલ અફેરના સમાચાર ખૂબ ચર્ચામાં હતા. 90ના દાયકામાં ગોવિંદાનું સ્ટારડમ પીક પર હતું. આ કારણે મીડિયાનું ધ્યાન અવારનવાર તેમના પર રહેતું હતું. એક સમય એવો આવ્યો જ્યારે રાની મુખર્જી અને ગોવિંદા વચ્ચેના અફેરની મીડિયામાં ખૂબ ચર્ચા થઈ. રાની મુખર્જી અને ગોવિંદાની જોડીએ ઘણી સુપરહિટ ફિલ્મો આપી છે. 90ના દાયકામાં આ જોડી એટલી પસંદ કરવામાં આવી હતી કે તેઓ ફિલ્મમેકર્સની પહેલી પસંદ બની ગયા હતા. ગોવિંદા તેના શાનદાર ડાન્સ અને ફની એક્ટિંગ સ્ટાઇલ માટે જાણીતા છે. તેમની પ્રોફેશનલ લાઈફની સાથે સાથે તેમની પર્સનલ લાઈફ પણ હંમેશા ચર્ચાઓમાં હતી.
અફેરના કારણે દાંપત્યજીવન પર પડી અસર
અભિનેતા ગોવિંદાએ વર્ષ 1987માં સુનીતા આહુજા સાથે લગ્ન કર્યા અને તેમને બે બાળકો પણ છે. જો કે, તેમના સુખી દાંપત્ય જીવનને ત્યારે નજર લાગી ગઈ જયારે તેમનું એક્સ્ટ્રા મેરિટલ અફેર ચર્ચાઓમાં આવ્યું. ઘણીવાર ગોવિંદા વિશે એવી અફવાઓ આવી હતી કે તેમણે તેમની સાથે કામ કરતી ઘણી હિરોઈનોને ડેટ કરી હતી. આ અફવાઓને કારણે ગોવિંદાના લગ્ન જીવનમાં પણ સમસ્યાઓ આવી હતી. આ સિનિયર હીરો વિશે એવું પણ કહેવામાં આવ્યું કે તેઓ નીલમ કોઠારી સાથે પણ રિલેશનશિપમાં હતો, જેણે તેમની સાથે ફિલ્મ ‘ઈલ્ઝામ’માં કામ કર્યું હતું.
રાની મુખર્જી સાથે હોટલના રૂમમાં હતા ગોવિંદા
ગોવિંદા અને રાની મુખર્જીની મુલાકાત ફિલ્મ ‘હદ કર દી આપને’ના શૂટિંગ દરમિયાન થઈ હતી. સ્વિટ્ઝર્લેન્ડ અને અમેરિકા જેવા દેશોમાં શૂટિંગ દરમિયાન બંને સારા મિત્રો બની ગયા હતા. ફિલ્મનું શૂટિંગ પૂરું થયા પછી પણ તેઓ ઘણીવાર સાથે જોવા મળતા હતા. આ દરમિયાન તેમના ડેટિંગના સમાચાર સામે આવ્યા હતા. એકવાર એવું બન્યું કે એક પત્રકાર રાનીને મળવા પહોંચ્યો, ત્યારે તેણે ગોવિંદાને અભિનેત્રીના રૂમમાંથી નાઇટડ્રેસમાં બહાર આવતા જોયા. અહીંથી જ મીડિયામાં આ સમાચાર લીક થયા અને તેમની પત્ની સુધી પહીંચી ગયા. મીઠું-મરચું ભભરાવીને તેમના અફેરના સમાચાર સાંભળીને ગોવિંદાની પત્ની સુનીતા ભાંગી પડી હતી.
સુનીતા ગોવિંદાને છોડીને હતી રહી પિયર
એવા સમયમાં રાની મુખર્જીએ એક ઇન્ટરવ્યુમાં ચોંકાવનારું નિવેદન આપ્યું હતું. તેમણે કહ્યું હતું, ‘જો કોઈ અભિનેત્રી ગોવિંદા સાથે ત્રણ-ચાર ફિલ્મોમાં કામ કરી લે, તો મીડિયા તરત જ માની લે છે કે તેનું ગોવિંદા સાથે અફેર છે. મારા પહેલા પણ ઘણી અભિનેત્રીઓના નામ ગોવિંદા સાથે જોડ્યા હતા. મારી જાણકારી મુજબ, ગોવિંદા જેવો સારો મિત્ર અને મજાનો વ્યક્તિ મળવો ખૂબ જ મુશ્કેલ છે.’ જો કે, હોટલના રૂમમાં સાથે હોવાના આરોપોને તેમણે નકાર્યા નહીં. તેનાથી અફવાઓ વધુ વધી ગઈ. આ મુલાકાત પછી સુનીતા ગોવિંદાને છોડીને પિયર હતી રહી. બાદમાં ગોવિંદા અને સુનીતાએ તેમના મતભેદોને ઉકેલ્યા અને ફરીથી તેમના લગ્ન જીવનની નવી શરૂઆત કરી અને હવે બંને ઘણા વર્ષોથી સુખી જીવન જીવી રહ્યા છે.
