દિગજ્જ અભિનેતા અમિતાભ બચ્ચનનો ચર્ચિત શો ‘કૌન બનેગા કરોડપતિ’ ઘણો ફેમસ છે અને આ શોની 16મી સીઝન ચાલી રહી છે. આ શોમાં એક પછી એક કન્ટેસ્ટન્ટ મોટી રકમ જીતી રહ્યા છે. શોમાં ઘણી વખત બીજા સિતારાઓ અમિતાભ બચ્ચનની સામે હોટસીટ પર બેઠેલા જોવા મળે છે.
આ શુક્રવારે પણ આવું કંઈક જ જોવા મળશે. આજે, શોમાં પારિવારિક વાતાવરણ જોવા મળશે, જેમાં બચ્ચન પરિવારની વાર્તાઓ પરથી પડદો હટશે. ખુલાસો કરવા માટે અમિતાભ બચ્ચનનો પુત્ર અને અભિનેતા અભિષેક બચ્ચન શોમાં જોવા મળશે. તેમનો પુત્ર અભિષેક બચ્ચન ખાસ મહેમાન તરીકે જોવા મળશે અને તેમની નવી ફિલ્મ ‘આઈ વોન્ટ ટુ ટોક’નું પ્રમોશન કરતો જોવા મળશે. હાલમાં જ આનો એક પ્રોમો વિડિયો રિલીઝ થયો છે, જેમાં અમિતાભ પોતાના નિર્ણય પર જ પછતાવો કરી રહ્યા હોય તેવું જોવા મળ્યું છે.
આ શોનો પ્રોમો ઇન્સ્ટાગ્રામ પર અપલોડ થયો હતો અને અભિષેક બચ્ચન તેના પિતા અમિતાભની ખૂબ નકલ કરી રહ્યા છે. વાત એમ છે કે, જ્યારે પણ કોઈ કન્ટેસ્ટન્ટ રૂ. 7 કરોડ જીતે છે, ત્યારે અમિતાભ બચ્ચન તેને ખુશ કરવા રૂ. 7 કરોડની બૂમો પાડે છે. અભિષેક બચ્ચન પણ પોતાની સ્ટાઈલમાં આવું જ કરતા જોવા મળ્યા હતા. આ દરમિયાન અભિષેક બચ્ચન કહે છે, ”ભોપુજી ભલે ન જીતે, અમે સાત કરોડ રૂપિયા જીતીશું.’ બસ આ નકલ જોતાં જ દિગજ્જ અભિનેતા અમિતાભ બચ્ચન હસી પડે છે.
અમિતાભ બચ્ચને કહીં આ વાત
‘7 કરોડ’ની બૂમો પાડવાની પ્રક્રિયા ચાલુ રહેશે તેમ કહીને અભિષેક બચ્ચને એક વાતનો ખુલાસો કર્યો હતો. અભિષેક બચ્ચને કહ્યું કે, ‘અમારા ઘરમાં આખો પરિવાર સાથે બેસીને ભોજન કરે છે અને તે દરમિયાન જો કોઈ પ્રશ્ન પૂછે છે તો બધા બાળકો મળીને ‘7 કરોડ’ની બૂમો પાડે છે. ‘ આ વાતનો ખુલાસો થતાં જ અમિતાભ બચ્ચન કહે છે કે, ‘મેં અભિષેકને બોલાવીને મોટી ભૂલ કરી છે.’ આ સાંભળીને અભિષેક ફરી એકવાર 7 કરોડની બૂમો પાડે છે. અમિતાભ સાથે બેઠેલા ઓડિયન્સ પણ હસવા લાગે છે. પ્રોમોમાં અભિષેકની સાથે ‘આઈ વોન્ટ ટુ ટોક’ના ડાયરેક્ટર શૂજિત સરકાર પણ જોવા મળે છે.
ફિલ્મ સંબંધિત માહિતી
તમને જણાવી દઈએ કે, શૂજીત પહેલીવાર અભિષેક સાથે કામ કરી રહ્યો છે, પરંતુ તેણે અમિતાભ બચ્ચન સાથે ચાર વખત કામ કર્યું છે. બંનેએ ‘શૂબીટ’, ‘પીકુ’, ‘પિંક’ અને ‘ગુલાબો સિતાબો’માં સાથે કામ કર્યું છે. હવે તે અભિષેક બચ્ચન સાથે એક ફિલ્મ લાવી રહ્યો છે, જેનું નામ છે ‘આઈ વોન્ટ ટુ ટોક’. તેમાં જોની લીવર અને અહિલ્યા બમરૂ પણ છે. રાઇઝિંગ સન ફિલ્મ્સ અને કિનો વર્ક્સ દ્વારા નિર્મિત, આ ફિલ્મ એક ગંભીર બીમારી સામે લડી રહેલા એક વ્યક્તિની છે, જેને એક પુત્રી છે અને તે તેની સાથે સારા સંબંધ સ્થાપિત કરવાનો પ્રયાસ કરી રહ્યો છે. અભિષેક આ બીમાર વ્યક્તિના રોલમાં છે. તે સિંગલ ફાધરનો રોલ કરી રહ્યો છે.
