એક્ટ્રેસ અને મોડલ નતાશા સ્ટેનકોવિક પૂર્વ પતિ અને ક્રિકેટર હાર્દિક પંડ્યાથી અલગ થયા બાદ કામ પર પરત ફરી છે. તેણે સોશિયલ મીડિયા પર તેના નવા ગીત ‘તેરે કરકે’ની જાહેરાત કરી છે.
તેના આગામી ટ્રેકનું પોસ્ટર શેર કરતી વખતે, નતાશાએ કેપ્શનમાં લખ્યું, ‘#TereKrkeની ટ્યૂન પર ડાન્સ કરવા માટે તૈયાર થઈ જાઓ.’
આ ગીતનો ગાયક પ્રિતીન્દર છે અને તેના લિરિક્સ દિલશાદે લખ્યા છે.
નતાશાના કમબેકથી ચાહકો ખુશ
‘નતાશા તેના બાળક માટે કામ પર પરત ફરી છે!! સ્ટ્રોંગ લેડી.’ અન્ય યુઝરે લખ્યું, ‘માતા એ માતૃત્વ છે.’ આ સિવાય અન્ય ઘણા યુઝર્સે નતાશાને કામ પર પરત ફરવા બદલ અભિનંદન પાઠવ્યા છે.
નતાશાની આ પોસ્ટ પર યુઝર્સે આ પ્રકારની કોમેન્ટ કરી છે.
4 વર્ષ જૂના લગ્નજીવન તૂટ્યા બાદ પુત્રનો ઉછેર સાથે કરશે
ક્રિકેટર હાર્દિક પંડ્યા અને નતાશા સ્ટેનકોવિચે 18 જુલાઈના રોજ ઈન્સ્ટાગ્રામ પર તેમના અલગ થવાની જાહેરાત કરી હતી. દંપતીએ સંયુક્ત નિવેદન જારી કરીને કહ્યું હતું કે, તેઓ પરસ્પર સંમતિથી અલગ થઈ રહ્યા છે અને આ નિર્ણય તેમના માટે વધુ સારો રહેશે.
છૂટાછેડાની જાહેરાત કર્યા પછી, નતાશા તેના વતન સર્બિયા ગઈ અને હાર્દિક ક્રિકેટમાં વ્યસ્ત થઈ ગયો. અલગ થયા પછી પણ આ દંપતી તેમના પુત્ર અગસ્ત્યનો ઉછેર સાથે કરી રહ્યું છે.
