મુંબઈ મેટ્રોનો એક વીડિયો સોશિયલ મીડિયા પર ખૂબ ચર્ચામાં છે. જેમાં તમામ મુસાફરો જોરથી જય શ્રી રામના નારા લગાવતા જોવા મળ્યા હતા. પરંતુ જ્યારે જાહેર સ્થળે આ રીતે નારા લગાવવામાં આવ્યા તો બોલિવુડ એક્ટ્રેસ પૂજા ભટ્ટ ત્યારે ગુસ્સે થઈ ગઈ.
મેટ્રોમાં રામના નારા લાગવા પર અભિનેત્રીને આવ્યો ગુસ્સો
પૂજા ભટ્ટ ભલે ફિલ્મોથી દૂર હોય, પરંતુ તે અવારનવાર કોઈને કોઈ કારણસર ચર્ચામાં રહે છે. હવે અભિનેત્રીને મુંબઈ મેટ્રોમાં ગરબા ગાવા અને જય શ્રી રામના નારા લગાવવા પર ગુસ્સો આવ્યો અને તેણે આ વીડિયોને રીટ્વીટ કરી કહ્યું કે લોકોએ જાહેર સ્થળે આ બધું કરતા પહેલા વિચારવું જોઈએ.
વાસ્તવમાં, આ વાયરલ વીડિયોમાં જોઈ શકાય છે કે કેવી રીતે લોકો મુંબઈ મેટ્રોમાં જયશ્રી રામનો જયઘોષ કરી રહ્યા છે. કેટલાક લોકો ‘ભારત કા બચ્ચા બચ્ચા જય શ્રી રામ બોલશે’ ગાતા પણ જોવા મળ્યા હતા. આ સિવાય મેટ્રોમાં ઉભેલા અન્ય કેટલાક લોકો ગરબા કરી રહ્યા છે. હવે આ વીડિયોને રિટ્વીટ કર્યા બાદ પૂજા ભટ્ટે એક લાંબી પોસ્ટ લખી છે.
જાહેર સ્થળોએ ગરબાને નારા લગાવાનું બંધ કરો
પૂજા ભટ્ટે લખ્યું, ‘જાહેર સ્થળોએ આ કેવી રીતે યોગ્ય છે? હિન્દુત્વ પૉપ, ક્રિસમસ કેરોલ, બોલિવૂડ બ્લોકબસ્ટર અથવા તેની વચ્ચે કંઈપણ હોય તે કોઈ વાંધો નથી. જાહેર સ્થળોનો આ રીતે દુરુપયોગ કરી શકાય નહીં. સત્તાવાળાઓ આને કેવી રીતે અને શા માટે મંજૂરી આપી રહ્યા છે? હવે આપણે દુરુપયોગ પર ધ્યાન આપીએ.
How is this permissible in a public space? Doesn’t matter if it is Hindutva pop,Christmas carols,Bollywood blockbusters or anything in between. Public spaces cannot be misused in this manner. How and why are the authorities permitting this? Yeah,now bring on the abuse. https://t.co/YmS48A9gL7
— Pooja Bhatt (@PoojaB1972) October 13, 2024
પૂજા ભટ્ટને યુઝર્સે કરી ટ્રોલ
પૂજા ભટ્ટાની આ પોસ્ટ ખૂબ જ વાયરલ થઈ રહી છે. જોકે કેટલાક ફેન્સે તેને સપોર્ટ કર્યો હતો, તો કેટલાકે એક્ટ્રેસને ટ્રોલ કરી હતી. એક યુઝરે લખ્યું કે, ‘તેને પણ આ બાબતમાં સમસ્યા છે.’ અન્ય એક યુઝરે લખ્યું, શું મેટ્રોમાં રામનું નામ લેવું ખોટું છે અને રસ્તાની વચ્ચે નમાઝ પઢવી યોગ્ય છે? કેટલાક ચાહકોએ અભિનેત્રીને સમર્થન આપ્યું હતું કે મેટ્રોમાં આ રીતે નારા લગાવવા જોઈએ નહીં.
પૂજા ભટ્ટના વર્ક ફ્રન્ટ વિશે વાત કરીએ તો, તાજેતરમાં જ તેણે બિગ બોસ OTT 2 નો ભાગ બનીને ઘણી હેડલાઇન્સ બનાવી છે. હવે ટૂંક સમયમાં તે એમેઝોન પ્રાઇમ વીડિયોના બિગ ગર્લ્સ ડોન્ટ ક્રાયમાં જોવા મળશે. આ સિરીઝમાં તે સ્કૂલ પ્રિન્સિપાલની ભૂમિકા ભજવશે. પૂજા ઉપરાંત, શ્રેણીમાં અવંતિકા વંદનાપુ, અનીત પદ્દા, દલાઈ, વિદુશી, લકીલા, અફરા સૈયદ, અક્ષિતા સૂદ, રાઈમા સેન અને ઝોયા હુસૈન પણ મુખ્ય ભૂમિકામાં છે.
