સલમાન ખાનને લોરેન્સ બિશ્નોઈની ગેંગ તરફથી ઘણી વખત જાનથી મારી નાખવાની ધમકીઓ મળી છે. તાજેતરમાં જ સલમાન ખાનના નજીકના મિત્ર NCP નેતા બાબા સિદ્દીકીની ગોળી મારીને હત્યા કરવામાં આવી હતી અને તેની જવાબદારી બિશ્નોઇ ગેંગે લીધી હતી .
આ બધા વચ્ચે હવે સલમાન ખાનની એક્સ ગર્લફ્રેન્ડ સોમી અલીએ ખૂબ જ ચોંકાવનારો દાવો કર્યો છે. સોમીએ તાજેતરના એક ઈન્ટરવ્યુમાં જણાવ્યું હતું કે તે પોતે પણ આઉટડોર શૂટિંગ દરમિયાન સલમાન સાથે શિકાર કરવા જતી હતી. આટલું જ નહીં સોમી અલી આ બાબતે જેલમાં જઈને લોરેન્સ બિશ્નોઈને મળવા માંગે છે
વાતચીત દરમિયાન સોમી અલીએ કહ્યું- ‘સલમાન ખાને કાળા હરણને માર્યું હતું પરંતુ સલમાન ખાનને ખબર ન હતી કે બિશ્નોઈ સમાજ કાળા હરણની પૂજા કરે છે અને તેને ભગવાનની જેમ માને છે. હું આ જાણું છું કારણ કે જ્યારે સલમાન જોધપુરથી પાછો આવ્યો ત્યારે તેણે મને આ વિશે જણાવ્યું હતું. તે સમયે હું તેની સાથે રિલેશનશિપમાં હતો.’
આગળ સોમી અલીએ કહ્યું કે, ‘સલમાને ભૂલથી આ ભૂલ કરી છે એટલા માટે તેની પાસે માફી માંગવાનું કોઈ કારણ નથી પણ હું તેના વતી માફી માંગીશ.’ આ સિવાય તાજેતરમાં સોમી અલીએ લોરેન્સ માટે એક પોસ્ટ કરી હતી, જેમાં તે લોરેન્સ સાથે વિડીયો કૉલમ વાત કરવા માંગતી હતી. જો કે થોડા સમય બાદ તેને આ પોસ્ટ ડિલીટ કરી દીધી હતી.
અભિનેત્રીએ તે પણ સ્પષ્ટતા કરી હતી કે હવે તેને સલમાન સાથે કોઈ લેવાદેવા નથી, બંનેએ છેલ્લે વર્ષ 2012માં વાત કરી હતી. એ બસ એટલું ઈચ્છે છે કે હવે આગળ કોઈની હત્યા ન થાય. આટલું જ નહીં સોમીએ એમ પણ કહ્યું કે તે નવેમ્બરમાં લોરેન્સ બિશ્નોઈને મળશે.
