બોલિવૂડ એક્ટર સલમાન ખાન આ દિવસોમાં કોઈને કોઈ કારણોસર ચર્ચામાં રહે છે. ખાસ કરીને બાબા સિદ્દીકીની હત્યા બાદ સલમાન ખાનને સતત જાનથી મારી નાખવાની ધમકીઓ મળી રહી છે. જો કે, તેમ છતાં ભાઈજાન તેમના આગામી પ્રોજેક્ટના શૂટિંગમાં વ્યસ્ત છે. હવે બિશ્નોઈ ગેંગની સતત ધમકીઓ વચ્ચે સલમાન ખાન તેની આગામી ફિલ્મ ‘સિકંદર’ના શૂટિંગ માટે હૈદરાબાદ પહોંચી ગયા છે.
બોલિવૂડ સુપરસ્ટાર સલમાન ખાન આ દિવસોમાં રિયાલિટી શો બિગ બોસ 18 હોસ્ટ કરી રહ્યો છે અને સલમાન તેની આગામી ફિલ્મ ‘સિકંદર’ માટે પણ ચર્ચામાં છે. એવામાં હવે સલમાન ‘સિકંદર’ના શૂટિંગ માટે હૈદરાબાદ પહોંચી ગયો છે. સલમાન હૈદરાબાદના તાજ ફલકનુમા પેલેસમાં ‘સિકંદર’નું શૂટિંગ કરશે અને આ ફિલ્મ આવતા વર્ષે 2025માં ઈદના અવસર પર રિલીઝ થવાની છે.
અભિનેતા સલમાન ખાન હૈદરાબાદના તાજ ફલકનુમામાં તેની આગામી ફિલ્મ ‘સિકંદર’નું શૂટિંગ કરી રહ્યો છે. સોશિયલ મીડિયા પર ઝડપથી વાયરલ થઈ રહેલા આ વીડિયોમાં જોઈ શકાય છે કે સલમાન ખાન હૈદરાબાદના રસ્તા પર જોવા મળ્યો હતો.
#SalmanKhan clicked at the airport as he heads to Hyderabad to start the shoot of #Sikandar.#FilmfareLens pic.twitter.com/WnouTTpjTq
— Filmfare (@filmfare) November 3, 2024
અભિનેતાની આ ફિલ્મને લઈને ચાહકોમાં એક અલગ જ ક્રેઝ જોવા મળી રહ્યો છે. આ ફિલ્મનું નિર્દેશન એઆર મુરુગાદોસ દ્વારા કરવામાં આવ્યું છે અને તેમાં રશ્મિકા, સુનીલ શેટ્ટી અને કાજલ અગ્રવાલ મુખ્ય ભૂમિકામાં છે.
તાજેતરમાં જ સલમાને રોહિત શેટ્ટીની ફિલ્મ ‘સિંઘમ અગેન’માં કેમિયો કર્યો હતો. તે ફિલ્મમાં ‘દબંગ’ ફિલ્મના ચુલબુલ પાંડેની સ્ટાઈલમાં થોડી સેકન્ડ માટે દેખાયા હતા.
