સૌથી વધુ ચર્ચામાં રહેતો વિવાદિત રિયાલિટી શો બિગ બોસ શરૂ ગયો છે અને શોમાં આવેલા તમામ કન્ટેસ્ટન્ટ વિવાદો સાથે જોડાયેલા રહ્યા છે. જો કે શોમાં એક એવી કન્ટેસ્ટન્ટ પણ આવી છે જેને સલમાન ખાનની ટીમ પર આરોપ લગાવ્યો હતો.
1. હેમા શર્મા ‘વાયરલ ભાભી’
‘બિગ બોસ 18’ 6 ઓક્ટોબરથી શરૂ થઈ ગયો છે અને આ શોમાં એન્ટ્રી લેતાની સાથે જ લાઈમલાઈટમાં આવેલી હેમા શર્મા સોશિયલ મીડિયા પર પહેલાથી જ ‘વાયરલ ભાભી’ તરીકે ફેમસ થઈ ગઈ હતી.
2. ‘વાયરલ ભાભી’નો ચાલ્યો જાદુ
શોમાં એન્ટ્રી લેતાની સાથે જ ‘વાયરલ ભાભી’એ પોતાનો જાદુ ચલાવવાનું શરૂ કરી દીધો છે, પરંતુ ઘણા લોકોના મનમાં એક પ્રશ્ન પણ છે કે હેમા શર્માને ‘વાયરલ ભાભી’ કેમ કહેવામાં આવે છે? તો તેનો હેમાએ પોતે સલમાન ખાનને આપ્યો હતો.
3. ‘વાયરલ ભાભી’ કેમ કહેવામાં આવે છે?
શોના પ્રીમિયરમાં સલમાન ખાને હેમા શર્માને પૂછ્યું કે તેને ‘વાયરલ ભાભી’ કેમ કહેવામાં આવે છે, ત્યારે હેમા શર્માએ કહ્યું કે તેને ‘ઝીંદગી બરબાદ હો ગયા’ ગીત પર ડાન્સ કર્યો હતો. જેનો વીડિયો અપલોડ થતાં જ તે વાયરલ થઈ ગયો હતો અને તે રાતોરાત ફેમસ થઈ ગઈ હતી. (Photo Credit: Hema Sharma Facebook)
4. સલમાન ખાનની ટીમ પર ગંભીર આરોપ
હેમા શર્મા ત્યારે ચર્ચામાં આવી જ્યારે તેણે સલમાન ખાનની ટીમ પર ગંભીર આરોપ લગાવ્યા. 2023માં આપેલ એક ઈન્ટરવ્યુમાં અભિનેત્રીએ ખુલાસો કર્યો હતો કે દબંગ 3 ફિલ્મના સેટ પર તેનું અપમાન કરવામાં આવ્યું હતું.
5. સલમાન સાથે ફોટો ક્લિક નહતી કરી શકી
હેમા કહ્યું હતું કે તે સલમાનની મોટી ફેન છે અને તે સલમાન સાથે સ્ક્રીન શેર તો ન કરી શકી પણ તેની સાથે ફોટો ક્લિક કરાવવા માંગતી હતી, પરંતુ સલમાનના સિક્યોરીટી ગાર્ડે તેને ફોટો ક્લિક ન કરવા દીધો અને તેની સાથે ખરાબ વર્તન કર્યું હતું.
6. આ ફિલ્મોમાં કર્યું છે કામ
હેમા શર્મા એક અભિનેત્રીની સાથે સામાજિક કાર્યકર્તા અને ઇન્ટરનેટ પર્સનાલિટી પણ છે. હેમાએ વર્ષ 2018 માં યમલા પગલા દિવાના ફિર સે મૂવીથી બોલીવુડમાં ડેબ્યૂ કર્યું હતું, જે બાદ દબંગ 3 માં જોવા મળી હતી.
7. ‘દબંગ 3’માં રિપોર્ટરની ભૂમિકા ભજવી
હેમાએ સલમાનની ‘દબંગ 3’માં રિપોર્ટરની ભૂમિકા ભજવી હતી. આ સિવાય ‘કહાં હમ કહાં તુમ’, ‘સમ્રાટ અશોક’ સહિતના ઘણા ટીવી શો પણ કર્યા છે અને ‘ઇન્સ્પેક્ટર અવિનાશ’ વેબ સિરીઝમાં પણ કામ કર્યું છે.
8. સોશિયલ મીડિયા પર ખૂબ ચર્ચિત
હેમા શર્મા સોશિયલ મીડિયા પર ખૂબ જ ફેમસ છે અને તેનો વીડિયો આવતાની સાથે જ વાયરલ થઈ જાય છે. લોકોને તેની ડાન્સિંગ સ્ટાઇલ અને એક્ટિંગ ઘણી પસંદ છે અને આ જ કારણ છે કે યુઝર્સે તેને ‘વાયરલ ભાભી’નું ટેગ આપ્યું છે.
