વૈજ્ઞાનિકોએ એસ્ટરોઇડને 2024 YR4 નામ આપ્યું છે. જો તે પૃથ્વી સાથે અથડાશે તો તે મોટાપાયે વિનાશનું કારણ બની શકે છે.
કહેવાય છે કે, એક વખત આવી જ અથડામણ થઈ હતી જેના પછી ડાયનાસોર લુપ્ત થયા હતા. વૈજ્ઞાનિકોએ ઘણી વખત પૃથ્વી સાથે એસ્ટરોઇડ અથડાવાની શક્યતા વ્યક્ત કરી છે. હવે નાસાના વૈજ્ઞાનિકોએ એક એવો એસ્ટરોઇડ શોધી કાઢ્યો છે, જે પૃથ્વી સાથે ટકરાઈ શકે છે. વૈજ્ઞાનિકોએ આ અંગે ચેતવણી જાહેર કરી છે. એસ્ટરોઇડ અંદાજે 130 થી 300 ફૂટ પહોળો હોવાનો અંદાજ છે.
અથડામણ ક્યારે થઈ શકે?
નાસાના એક્સપર્ટ કહે છે કે, એસ્ટરોઇડ 22 ડિસેમ્બર, 2032ના રોજ પૃથ્વી સાથે ટકરાઈ શકે છે. 27 ડિસેમ્બર, 2024 ના રોજ એસ્ટરોઇડ ટેરેસ્ટ્રીયલ-ઇમ્પેક્ટ લેટ વોર્નિંગ સિસ્ટમ દ્વારા એસ્ટરોઇડ જોવામાં આવ્યું હતું. આ પછી, તેના વિશે વધુ માહિતી પ્રાપ્ત થતાં, વૈજ્ઞાનિકોએ ચેતવણી આપી હતી કે, આ એસ્ટરોઇડ પૃથ્વી સાથે અથડાવાની સંભાવના ધરાવે છે.
NASA analysis of near-Earth asteroid 2024 YR4 indicates it has >1% chance of impacting Earth on Dec. 22, 2032, which also means there's ~99% chance this asteroid will not impact. Such initial analysis will change over time as more observations are gathered https://t.co/LMFH12K9N8 pic.twitter.com/WyXh0uUqeq
— NASA Asteroid Watch (@AsteroidWatch) January 29, 2025
નાસાના સેન્ટર ફોર નીઅર-અર્થ ઓબ્જેક્ટ સ્ટડીઝ (CNEOS) અનુસાર, એસ્ટરોઇડ 2024 YR4 22 ડિસેમ્બર, 2032ના રોજ પૃથ્વીની ખૂબ નજીક પહોંચશે. તે સમયે પૃથ્વી લગભગ 66,000 માઈલ એટલે કે 1,06,200 કિલોમીટર દૂર હશે. જો તેની ભ્રમણકક્ષામાં થોડો પણ ફેરફાર થાય તો તે પૃથ્વી સાથે અથડાઈ શકે છે.
વૈજ્ઞાનિકોના મતે, જો એસ્ટરોઇડ 2024 YR4 પૃથ્વીના ભાગમાં પ્રવેશ કરે છે, તો તે વિસ્ફોટનું કારણ બની શકે છે. આ વિસ્ફોટ પૃથ્વી પર ભારે વિનાશ સર્જી શકે છે. જો તે પૃથ્વીની સપાટી સાથે અથડાશે તો એક મોટો ખાડો બની શકે છે અને સમગ્ર વિસ્તારમાં ભૂકંપ જેવી સ્થિતિ સર્જાઈ શકે છે, જેનાથી ભારે નુકસાન થઈ શકે છે.
