4 ઓક્ટોબરે શારદીય નવરાત્રીનો બીજો દિવસ છે. નવરાત્રીના બીજા દિવસે માતા બ્રહ્મચારિણીની પૂજા કરવામાં આવે છે. માતા બ્રહ્મચારિણી નવદૂર્ગામાંથી બીજી શક્તિ છે. બ્રહ્મચારિણી માતાને તપસ્યા અને વૈરાગ્યની દેવી માનવામાં આવે છે. માન્યતા છે કે બ્રહ્મચારિણીની પૂજા કરવાથી તપ, ત્યાગ, વૈરાગ્ય અને સંયમમાં વૃદ્ધિ થાય છે.
કાર્યોમાં આવનાર મુશ્કેલી દૂર થાય છે અને વ્યક્તિને જીવનના દરેક ક્ષેત્રમાં વિજય મળે છે. દેવી માતા પોતાના સાધકને દુર્ગુણો અને દોષોથી દૂર રાખે છે. આવો જાણીએ નવરાત્રીના બીજા દિવસે બ્રહ્મચારિણી માતાની પૂજાવિધિ, મંત્ર, આરતી, પ્રિય ભોગ સહિત સંપૂર્ણ જાણકારી.
બ્રહ્મચારિણી માતાજીની પૂજા વિધિ
શારદીય નવરાત્રીના બીજા દિવસે બ્રહ્મ મુહૂર્તમાં સ્નાન કર્યા બાદ સ્વચ્છ કપડા ધારણ કરો.
તેના બાદ ઘરના મંદિરથી વાસી ફૂલ હટાવીને મંદિર સાફ કરો.
માતાજીના સામે દિવો કરો. હવે માતાને ફળ, ફૂલ, ધૂપ-દીપ, ચંદન અને અક્ષત અર્પિત કરો.
બ્રહ્મચારિણી માતાની વિધિ-વિધાનથી પૂજા કરો અને તેમના મંત્રોનો જાપ કરો.
બ્રહ્મચારિણી માતાની આરતી કરો અને અંતમાં બધા દેવી-દેવતાઓની સાથે માતા દુર્ગાની આરતી કરો.
માતા બ્રહ્મચારિણીનો પ્રિય ભોગ
શારદીય નવરાત્રીના બીજા દિવસે માતા બ્રહ્મચારિણીની પૂજા કરતી વખતે તેમને શાકરનો ભોગ લાવો અને પૂજા બાદ પરિવારના સદસ્યોમાં વહેચો. માન્યતા છે કે તેનાથી મનુષ્ય દીર્ઘાયુ થાય છે.
માતા બ્રહ્મચારિણીના પ્રિય ફૂલ
માતાજીને સફેદ અને સુગંધિત ફૂલ અર્પિત કરો. માતાજીને કમળના ફૂલ પણ ચડાવવામાં આવે છે.
માતા બ્રહ્મચારિણીનો પ્રિય રંગ
નવદુર્ગાના બીજા રૂપ માતા બ્રહ્મચારિણીને સફેદ રંગ ખૂબ જ પસંદ છે. આ દિવસે સફેદ રંગ ધારણ કરી માતાજીની પૂજા કરવી શુભ માનવામાં આવે છે. માન્યતા છે કે તેનાથી જીવનમાં સકારાત્મક ઉર્જાનો સંચાર થાય છે.
