બોલિવૂડ અભિનેત્રી અનન્યા પાંડે આજે તેનો 26મો જન્મદિવસ એટલે કે 30 ઓક્ટોબરે ઉજવી રહી છે. અભિનેત્રીનું નામ ઘણા મોટા સ્ટાર્સ સાથે જોડતું રહે છે. હવે તાજેતરમાં, અનન્યાના બોયફ્રેન્ડે આ ખાસ દિવસે એક ખાસ પોસ્ટ શેર કરી અને તેમના સંબંધોની પુષ્ટિ કરી. અનન્યા પાંડે પોતાની પર્સનલ લાઈફને લઈને અવારનવાર હેડલાઈન્સમાં રહે છે. તાજેતરમાં જ અભિનેત્રીનું નામ આદિત્ય રોય કપૂર સાથે જોડાયું હતું. અનન્યા અને આદિત્યને ઘણી વખત સાથે જોવામાં આવ્યા છે, ત્યારબાદ સમાચાર આવવા લાગ્યા કે બંને ડેટ કરી રહ્યા છે. પરંતુ હવે અનન્યાના સંબંધને લઈને મોટો ખુલાસો થયો છે.
અનન્યા પાંડેના બોયફ્રેન્ડ વોલ્કર બ્લેન્કોએ સોશિયલ મીડિયા પર પોસ્ટ કરીને અભિનેત્રી સાથેના તેના સંબંધોની પુષ્ટિ કરી છે. તેણે તેની ઈન્સ્ટા સ્ટોરી પર અભિનેત્રીનો ફોટો શેર કર્યો છે જેમાં અનન્યા પાંડે બ્લુ ટોપમાં જોવા મળી રહી છે. આ તસવીરમાં અનન્યા એકદમ સિમ્પલ લુકમાં જોવા મળી હતી, તેની ક્યૂટ સ્માઈલ તેની સુંદરતામાં વધારો કરતું જોવા મળ્યું . અનન્યા પાંડેની તસવીર શેર કર્યા પછી, વોલ્કર બ્લેન્કોએ કેપ્શનમાં લખ્યું, ‘હેપ્પી બર્થડે બ્યુટીફુલ. તમે ખૂબ જ ખાસ છો. હું તમને ખૂબ પ્રેમ કરું છું એની…’
આ પોસ્ટ સોશિયલ મીડિયા પર ખૂબ જ વાયરલ થઈ રહી છે, જ્યારે અનન્યા પાંડેના ફેન્સ તેના પર પ્રેમ વરસાવી રહ્યા છે. તમને જણાવી દઈએ કે પહેલા અનન્યાનું નામ અભિનેતા આદિત્ય રોય કપૂર સાથે જોડાયું હતું, પરંતુ આ વર્ષની શરૂઆતમાં બંને અલગ થઈ ગયા હોવાના અહેવાલ છે.
અનન્યા પાંડેના વર્ક ફ્રન્ટની વાત કરીએ તો તાજેતરમાં જ અભિનેત્રી ફિલ્મ ‘કંટ્રોલ’માં જોવા મળી હતી. આ ફિલ્મમાં તેની એક્ટિંગને ઘણી પસંદ કરવામાં આવી હતી. આ ફિલ્મ OTT Netflix પર રિલીઝ થઈ હતી. હવે તે ટૂંક સમયમાં તેની આગામી ફિલ્મ શંકરામાં જોવા મળશે. જેમાં અનન્યાની સાથે અક્ષય કુમાર અને આર માધવન મુખ્ય ભૂમિકામાં જોવા મળશે. જોકે, મેકર્સ તરફથી ફિલ્મની રિલીઝ ડેટ અંગે કોઈ જાહેરાત કરવામાં આવી નથી.
