એ દિવસ એવું માનવામાં આવે છે કે જો તમે શિવલિંગની પૂજા કરો તો તમારા દરેક કાર્ય પૂર્ણ થઇ જતા હોય છે. કોઇ પણ વ્યક્તિ સોમવારે શ્રદ્ધા અને નિષ્ઠાથી શિવલિંગની પૂજા કરે છે, તો તે દરેક પ્રકારના વિઘ્નોથી મુક્ત થાય છે અને ભગવાન શિવની કૃપા તેમના ઉપર રહેતી હોય છે.
શિવલિંગની પૂજા અને સોમવારના વ્રતનો ઉદભવ
સોમવારના વ્રતનો વિશેષ ઉલ્લેખ સનાતન શાસ્ત્રોમાં પણ કરવામાં આવ્યું છે. કહેવાય છે કે આ વ્રત માતા પાર્વતીએ ભગવાન શિવને પોતાનો પતિ બનાવવાના માટે રાખ્યું હતું. માન્યતા એવી છે કે માતા પાર્વતીના એ સોમવારના વ્રતથી ભગવાન શિવ અને માતા પાર્વતીના લગ્ન થયા હતા. તેથી, આ દિવસનું મહત્ત્વ અનેક શાસ્ત્રોમાં કહેવામાં આવ્યું છે. જો કે એવી પણ માન્યતા છે કે જો કોઇ દિકરીના લગ્ન નથી થતા તો તે આ વ્રત કરીને મનગમતો જીવનસાથી પામી શકે છે.
શ્રદ્ધા અને પૂજાનું યોગ્ય રીતે પાલન
આ દિવસે, શિવલિંગની પૂજા અને પ્રાર્થના પવિત્ર હૃદયથી કરવાથી વિઘ્નો દૂર થાય છે અને જીવનની મુસીબતો ઓછી થાય છે. જે વ્યક્તિ આ દિવસની પૂજા કરે છે, તે ભગવાન શિવના દર્શન અને આશીર્વાદથી સંતોષ અને આનંદ અનુભવે છે. શિવલિંગનો અભિષેક પણ કરો અને ફૂલની માળા સહિતની વસ્તુઓ આ દિવસે ચઢાવો. એવું માનવામાં આવે છે કે શિવલિંગ પર કેટલીક વસ્તુઓ ચઢાવવાથી વ્યક્તિને જીવનમાં ઘણી સમસ્યાઓનો સામનો કરવો પડે છે. તેથી પૂજા દરમિયાન શિવલિંગ પર કેટલીક વસ્તુઓ ચઢાવવાનું ટાળવું જોઈએ.
તુલસીના પાન
શિવલિંગ પર તુલસીના પાન ન ચઢાવવું. એવું કહેવાય છે કે ભગવાન શિવે માતા તુલસીના પતિ જલંધર રાક્ષસનો વિનાશ કર્યો હતો. તેથી, આ પાનની શ્રદ્ધાથી ધાર્મિક રીતે દુશ્મનિ આવી શકે છે. હળદરને સામાન્ય રીતે શુભ માનવામાં આવે છે, પરંતુ તેને શિવલિંગ પર ન ચઢાવવું. એવી માન્યતા છે કે હળદર આપણી પૂજાને સંપુર્ણ રૂપે સાકાર કરતી નથી
નારિયેળથી શિવલિંગ પર અભિષેક ન કરો. માન્યતા છે કે નારિયેળ જળથી અભિષેક કરવાથી ભગવાન શિવ ક્રોધિત થઈ શકે છે, અને આવા અભિષેકથી આપણી દિનચર્યામાં ગંભીર અસર થઇ શકે છે. સાથે પૈસાની તંગી આવી શકે છે. તૂટેલા ચોખા પણ શિવલિંગ પર ન ચઢાવવા જોઈએ. માન્યતા અનુસાર આ કૃત્યથી ભગવાન શિવ નારાજ થઈ શકે છે અને પૂજા પુરી રીતે સાર્થક થતી નથી. દૂધ સાથે તલ મિક્સ કરીને અભિષેક કરવાનું ટાળો. એવું કહેવાય છે કે એનાથી તમારા લગ્નજીવનમાં અસર કરી શકે છે.
શિવલિંગ પર યોગ્ય રીતે અભિષેક કરવાથી અને પૂજામાં નિયમોનું પાલન કરવાથી દરેક દોષ અને વિઘ્ન દૂર થાય છે. ભગવાન શિવની કૃપાથી, વ્યક્તિનાં જીવનમાં શાંતિ, સુખ, અને મંગળમય પરિણામ આવે છે. સોમવારના રોજ પૂજા કરવા અને શ્રદ્ધા સાથે વ્રત રાખવાથી જીવનમાં દરેક સંકટ અને બાધાઓ દૂર થાય છે, અને મહાદેવના આશીર્વાદથી ભગવાન શિવ આપણને આકર્ષક શક્તિ આપે છે. આ રીતે, સોમવારનો દિવસ માત્ર પૂજાનો દિવસ નથી, પરંતુ એ દિવસ ભગવાન શિવ સાથે શ્રદ્ધાનો છે.
