કર્ણાટકના બેંગલુરુમાં મુસાફરોથી ભરેલી બસમાં ડ્રાઈવરને હાર્ટ એટેક આવ્યો. બસ બેંગલુરુ મેટ્રો ટ્રાન્સપોર્ટ કોર્પોરેશન એટલે કે BMTCની હતી. 40 વર્ષના ડ્રાઈવર કિરણ કુમારનું હાર્ટ એટેકના કારણે અકાળે અવસાન થયું. બસ ચલાવતી વખતે તેને અચાનક હાર્ટ એટેક આવ્યો અને તેનું મોત થયું.
કંડક્ટરે દર્શાવી સમયસૂચકતા
મળતી માહિતી મુજબ, બસ ડ્રાઈવર કિરણ કુમાર નેલમંગલાથી દસનપુરા જવાના રૂટ 256 M/1 પર વાહન નંબર KA 57 F-4007 ચલાવી રહ્યો હતો. ફરજ પર કિરણ કુમારને અચાનક હાર્ટ એટેક આવ્યો અને ડ્રાઇવિંગ દરમિયાન તેઓ ઢળી પડ્યા. ત્યારે બસના કંડક્ટરે સમયસૂચકતા બતાવીને તરત જ બસને સલામત રીતે રોકી દીધી.
મુસાફરોના બચ્યા જીવ
જ્યારે કંડક્ટરે જોયું કે ડ્રાઇવરો પડી ગયા છે, ત્યારે તેણે તરત જ સ્ટિયરિંગ સંભાળ્યું અને બસને રોડની બાજુમાં મૂકી દીધી. જેના કારણે બસમાં સવાર તમામ મુસાફરોનો જીવ બચી ગયો અને મોટી દુર્ઘટના ટળી ગઈ. આ પછી કંડકટર ડ્રાઈવર કિરણ કુમારને નજીકના વી.પી. મેગ્નસને હોસ્પિટલ પહોંચાડ્યા. જ્યાં ડોક્ટરોએ તપાસ બાદ કિરણ કુમારને મૃત જાહેર કર્યા હતા. કંડકટરે આ મામલાની જાણકારી વરિષ્ઠ અધિકારીઓને આપી. તેમણે આ અંગે મૃતકના પરિવારજનોને પણ જાણ કરી.
RTC bus driver had a heart attack The conductor jumped on the driver's seat and saved everyone's lives
Kiran Kumar, the bus driver who died on the driver's seat after suffering a heart attack in an RTC bus going from Nelamangala to Dasanapura in Bangalore pic.twitter.com/R78TKuNJiQ— OSMAN Khwaja (@MOHAMMEDOS14681) November 6, 2024
બસના સીસીટીવીમાં કેદ થઈ ઘટના
બસના સીસીટીવી ફૂટેજમાં ડ્રાઈવરને અચાનક નીચે પડતા જોઈ શકાય છે. ત્યાર બાદ તેમણે બસને ડાબી તરફ ફેરવી અને બીજી BMTC બસને ટક્કર મારી દીધી. બસના કંડક્ટરે બસમાં સવાર મુસાફરોની સલામતી સુનિશ્ચિત કરીને કોઈપણ સંભવિત અકસ્માતને ટાળીને વાહનને સલામત રીતે રોકી દીધું. આ ઘટના સવારે 11 વાગ્યે બની હતી.
BMTC અનુસાર, બસમાં માત્ર 10 મુસાફરો હતા અને બસની અંદર કે રસ્તા પર કોઈના ઘાયલ થવાની સૂચના નથી. BMTC અધિકારીઓએ જણાવ્યું કે કુમાર સંપૂર્ણપણે સ્વસ્થ હતા અને તેમને કોઈ મોટી સ્વાસ્થ્ય સમસ્યા ન હતી. વાસ્તવમાં કંડક્ટર અને તેમના અન્ય સાથીઓએ પણ તેમને દિવસ દરમિયાન ફિટ અને નોર્મલ જોયા હતા. કિરણ કુમાર હસનના વતની હતા. તેમના પરિવારમાં તેમની પત્ની અને 5 વર્ષની દીકરી છે.
